Cəmiyyət

İsrail həkimləri gözünü itirən qazimizi müalicə etdi - FOTO

2 Mart 2021 17:55
Baxış: 1 246
VTB-də minimal faiz dərəcəsi ilə nağd kredit 10.49%-dən

Vətən müharibəsi dövründə yaralanaraq gözünü itirən Nuralı Abdullayevə İsraildən olan tibbi heyət tərəfindən müalicə xidməti göstərilib.

Milli.Az qafqazinfo-ya istinadən xəbər verir ki, bu barədə Feysbukda "Azərbaycanda İsrail - Israel in Azerbaijan" səhifəsində məlumat verilib.

"İlk gün, vaxt itirmədən: bu gün İsrail həkimləri ilk xəstələrini müalicə etdilər. Nuralı Abdullayev müharibə zamanı gözünü itirib və üzü deformasiyaya uğrayıb, amma bu gün o, İsraildən gətirilən protez gözə sahib oldu. Onun kimi onlarla digər azərbaycanlı artıq müalicə alıb. Qəhrəman həkimlər dayanmadan çalışırlar",- deyə məlumatda qeyd olunub.

Qeyd edək ki, ötən gün "YAŞAT" Fondunun təşəbbüsü, İsrailin Azərbaycandakı səfirliyinin və Akademik Zərifə Əliyeva adına Milli Oftalmologiya Mərkəzinin təşkilati dəstəyi ilə İsraildən Azərbaycana tibbi-humanitar yardım məqsədilə oftalmoloqlardan ibarət nümayəndə heyəti gəlib.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.