Cəmiyyət

Kənd təsərrüfatında işləyənlərə əmək stajı hesablanacaq - VİDEO

1 Mart 2021 15:11
Baxış: 1 277
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ailə kəndli təsərrüfatının uçotunun aparılması qaydaları təsdiqlənib. Bunun nəticəsində də kənd təsərrüfatında işləyənlərə əmək stajı hesablanacaq. Təsərrüfat üzvləri gəlirlərinə uyğun vergi də verəcəklər.

Nazirlər Kabineti "Ailə kəndli təsərrüfatının uçotunun aparılması Qaydaları" və "Ailə kəndli təsərrüfatının üzvlərinə onların statusunu, əmək fəaliyyətini və əmək stajını təsdiq edən vəsiqənin forması və verilmə Qaydası"nda dəyişiklik edib. Dəyişikliyə əsasən, ailə kəndli təsərrüfatının başçısı ilə yanaşı, üzvlərinin də şəxsiyyətini təsdiq edən sənədlərin surətləri ərizəyə əlavə edilməlidir. Prosedurun nəticəsi olaraq da təsərrüfat üzvlərinə elektron vəsiqə veriləcək.

Milli.Az xezerxeber.az-a istinadən bildirir ki, millət vəkili Vüqar Bayramov deyir ki, yeni qaydaların tətbiqi ailə kəndli təsərrüfatları üzvlərinin stajlarının hesablanmasına və xüsusi formların təqdim olunmasına imkan verəcək.

Eləcə də uçotun aparılması həmin məlumatların elektronlaşmasına və elektron şəbəkəyə inteqrasiyasına imkan yaradacaq. Bu da ailə kəndli təsərrüfatının üzvlərinin dövlət dəstəyindən daha geniş istifadə etməsinə şərait yaradacaq.

Uçot sisteminin təkmilləşdirilməsi sayəsində ailə kəndli təsərrüfatının üzvləri gəlirlərinə uyğun vergi də verəcəklər. Nəticədə də dövlət büdcəsinə daxil olan vergi və sosial ödənişlər artacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.