Cəmiyyət

AQTA vətəndaşları diqqətli olmağa çağırır - VİDEO

26 Yanvar 2021 14:20
Baxış: 1 442
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

COVID-19 pandemiyasının davam etdiyi bir vaxtda quş qripi də sürətlə yayılmaqdadır. Bir çox ölkələrdə artıq kütləvi yoluxma faktı qeydə alınıb. Köçəri quşlar vasitəsilə yoluxma sayı durmadan artır. Köçəri quşların marşrut istiqaməti üzərində olduğundan ölkəmiz də xüsusi risk altındadır. Qida Təhlükəsizliyi Agentliyi bununla bağlı vətəndaşlara xəbərdarlıq edib. Bəzi ölkələrdən quş əti məhsullarının idxalına məhdudiyyətlərin tətbiqinə başlanıb.

Milli.Az xezerxeber.az-a istinadən bildirir ki, Qida Təhlükəsizliyi Agentliyi quş qripi təhlükəsi ilə bağlı vətəndaşlara xəbərdarlıq edib.

Dünyanın bir sıra ölkələrində bu xəstəliyin yayılma arealı genişlənməkdə davam edir. Köçəri quşların miqrasiya marşrutlarının respublikamızdan keçməsi, habelə bu quşların daimi və müvəqqəti məskunlaşma yerlərinin ölkə ərazisində mövcudluğu xəstəliyin yayılma riskini artırır. Quşçuluq təsərrüfatı ilə məşğul olan şəxslər bu ərəfələrdə maksimum diqqətli olmalıdırlar.

Qida təhlükəsizliyi agentliyinin şöbə müdiri Qalib Əbdüləliyev deyir ki, Ümumdünya Heyvan Sağlamlığı Təşkilatının gündəlik məlumatları mütəmadi olaraq nəzərdə saxlanılır. Mövcud təhlükə ilə əlaqədar aparılan monitorinqlərin sayı da artırılıb.Vətəndaşlar xəstəlik əlamətləri müşahidə edilən və ya tələf olan quş cəsədlərindən uzaq durmalı, şübhəli hallarla bağlı dərhal aidiyyəti üzrə məlumat verməlidirlər. Xaricdən quş əti idxalına da nəzarət tədbirləri gücləndirlib.

Qeyd edək ki, Ümumdünya Heyvan Sağlamlığı Təşkilatı dünyanın bir sıra ölkələrində quş qripi xəstəliyi ilə bağlı bütün ölkələrə xəbərdarlıq edib. Quş qripinə yenidən kütləvi yoluxma isə ötən ilin noyabr ayında Koreyada qeydə alınıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.