Cəmiyyət

DİN-dən Xaçmazda kənd sakinlərinin toplaşması ilə bağlı AÇIQLAMA - FOTO

23 Yanvar 2021 22:37
Baxış: 1 449

Sosial şəbəkələrdə Xaçmaz rayonunun Qımıl kəndinə gedən yolun yararsız vəziyyətdə olması ilə əlaqədar bir qrup kənd sakininin həmin əraziyə toplaşması ilə bağlı məlumat yayılıb.

Belə ki, hadisə ilə əlaqədar Xaçmaz Rayon İcra Hakimiyyətinin nümayəndələri və Xaçmaz Rayon Polis Şöbəsinin əməkdaşları həmin əraziyə gəliblər.

Milli.Az oxu.az-a istinadən bildirir ki, DİN-in Quba regional qrupunun baş inspektoru, polis baş leytenantı Nizam Həmidov deyib ki, sözügedən ərazidə kənd sakinləri sosial problemləri ilə bağlı toplaşıblar:

"Sakinləri narahat edən problemləri dinləmək məqsədilə Xaçmaz Rayon İcra başçısının müavini Bəxtiyar Osmanov və Xaçmaz Rayon Polis Şöbəsinin rəis müavini, polis kapitanı Vüqar Orucov həmin ərazidə olublar. Sakinlərin şikayətləri dinlənilib və həlli istiqamətində onlarla profilaktik söhbət aparılıb.

Daha sonra əraziyə toplaşan sakinlər ərazini tərk edərək yaşayış yerlərinə geri qayıdıblar. Qeyd edirik ki, bu zaman heç bir asayişin pozulması hallarına yol verilməyib".

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.