Cəmiyyət

ANAMA işğaldan azad olunan ərazilərdən 40 minə yaxın mina təmizləyib

11 Yanvar 2021 15:55

Baxış: 880

VTB-də minimal faiz dərəcəsi ilə nağd kredit 9.9%-dən

Ərazilərin Minalardan Təmizlənməsi üzrə Milli Agentlik (ANAMA) işğaldan azad olujnmuş ərazilərin mianalrdan təmizlənməsi prosesini davam etdirir.

Ərazilərdə keçirilmiş təcili təxirəsalınmaz əməliyyatlar barədə Milli.Az-a ANAMA-dan məlumat verilib.

Məlumatda bildirilir ki, ümumilikdə Agentlik tərəfindən 27 sentyabr 2020-ci - 08 yanvar 2021-ci il tarixlərində 2 294 siqnal (əməliyyat çağırışı) əsasında 1 842 operativ və təxirəsalınmaz əməliyyat çıxışı olub.

Nəticədə Ağdam, Ağdaş, Ağcabədi, Bərdə, Beyləqan, Biləsuvar, Cəbrayıl, Goranboy, Göygöl, Naftalan, Kürdəmir, Füzuli, Tərtər, Tovuz, Şəmkir, Hacıqabul, Zərdab, Xızı, Xocavənd, Oğuz, Qəbələ rayonları, Gəncə, Şuşa və Mingəçevir şəhərləri ərazisində ev və həyətyanı sahəyə, neft kəmərinin yaxınlığına, Mingəçevir İES-in ərazisinə, Cənubi Qafqaz Boru Kəmərinin yaxınlığına, əkin və otlaq sahələrinə, yol kənarına, meşə massivinə, məktəbə baxış keçirilmiş, 2 646 ədəd partlamamış hərbi sursat (PHS), 4 550 ədəd piyada əleyhinə mina, 1 557 ədəd tank əleyhinə mina, 1 915 ədəd tank əleyhinə minanın partladıcısı, 77 ədəd detonator, 1 441 ədəd 9N235 bombacıqları, 24 515 ədəd müxtəlif çaplı patronlar, 2 ədəd qaz qumbarası, 5 968 qram qara barıt, 275 kq plastik partlayıcı maddə, 100 metr boru şəkilli partlayıcı yük, 150 kq amonium-nitrat tərkibli partlayıcı maddə, 27 ədəd hərbi məqsədlər üçün istifadə olunan meteoroloji radiopelenqator, 7 ədəd dron (zərərsizləşdirilmişdir), 2 ədəd raketin mikrosxemi və 1 973 ədəd partlamış raket hissələri aşkar olunmuşdur.

Milli.Az