Cəmiyyət

Koronavirusa qalib gəlmək üçün selikli qişa immuniteti yaradılmalıdır - AÇIQLAMA - VİDEO

11 Yanvar 2021 11:23
Baxış: 960
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Sinovac" effektivliyi məlum olan və geniş şəkildə tətbiq edilən ilk peyvənddir. Hazırda bir sıra ölkələrin bu peyvəndə marağı olduqca yüksəkdir.

Milli.Az xezerxeber.az-a istinadən bildirir ki, bunu Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru, azərbaycanlı alim Nuran Abdullayev deyib.

O, sözügedən peyvəndin hazırlanma və ölkələrə çatdırılma üsulunun Avropa və Amerikada hazırlanmış gen texnologiyasına əsaslanan peyvəndlərdən daha asan və tez başa gəldiyini bildirib. Alimin sözlərinə görə, "Sinovac" inaktiv, yəni ölmüş viruslardan hazırlanır və bu da peyvənin daşınma və saxlanma şəraiti baxımından üstün cəhətdir.

Nuran Abdullayev xatırladıb ki, Türkiyə və Çində "Sinovac"ın effektivliyi barədə tədqiqatlar aparılıb və onun yan təsirləri barədə hələlik dəqiq elmi informasiya mövcud deyil.

Nuran Abdullayev bildirib ki, bu və digərləri birinci nəsil peyvəndlər hesab olunur və gələcəkdə yoluxmanın aradan qaldırılması üçün selikli qişa immuniteti yaradılmalıdır.

Qeyd edək ki, Türkiyə yeni növ koronavirus infeksiyasına qarşı peyvəndləmə aparmaq üçün Çində istehsal olunan "Sinovac" vaksinindən 50 milyon doza sifariş edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.