Cəmiyyət

Qazilərimizin ümid yerinə çevrilən tələbə - 20 yaşlı Fəridə Rəhimli könüllü olaraq yaralı hərbçilərimizə qulluq edib - VİDEO

19 Dekabr 2020 12:09

Baxış: 1 225

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Vətən müharibəsi zamanı yaralı əsgərlərimizə qulluq edənlərdən biri də Fəridə Rəhimli olub.

Milli.Az xezerxeber.az-a istinadən bildirir ki, könüllü olaraq Silahli Qüvvələrin Baş Klinik Hospitalında yaralı əsgərlərimizə qulluq edən Fəridə qısa müddət ərzində həm kollektivin, həm də qulluq etdiyi qazilərimizin sevgisini qazanmağı bacarıb.

Hospitalın oftalmologiya şöbəsində könüllü kimi fəaliyyətə başlayan Fəridə Bakı Dövlət Universitetinin Biologiya fakültəsinin 3-cü kurs tələbəsidir. O, müharibənin ilk günündən sonunadək yaralı qazilərimizin görən gözü, tutan əli, gülən üzü olub.

Fəridə sağalana kimi qulluğunda dayandığı qazilərimizi indi də unutmayıb. Hərdən zəng edir, son vəziyyətləri ilə maraqlanır.

20 yaşlı Fəridə o qədər ürəklə çalışıb ki, hətta digər şöbələrdən də onu könüllü kimi öz yanlarına dəvət ediblər. Fəridə isə axıra kimi çalışdığı şöbədə qalaraq, ona olan güvəni tam doğruldub. Sonda isə kollektiv 20 yaşlı tələbəmizin zəhmətini təşəkkürnamə ilə mükafatlandırır.

Xezerxeber.az mövzu ilə bağli daha ətrafli videomateriali təqdim edir:

Milli.Az