Cəmiyyət

Son döyüşün son şəhidi - VİDEO

15 Dekabr 2020 10:28
Baxış: 2 149
VTB-də minimal faiz dərəcəsi ilə nağd kredit 10.49%-dən

Özü həyatda olmasa da, xeyli sayda döyüş yoldaşını ölümdən xilas edib...

Milli.Az xezerxeber.az-a istinadən bildirir ki, 44 günlük müharibənin 43 gününü döyüşüb qəhrəmancasına şəhid olan baş leytenant Teymur Məcidzadədən gedir.

Şəhid zabitimiz döyüş zamanı onlarla əsgərin həyatını xilas edib. Teymur tapdığı yolla ona inanan 100- dən çox əsgəri bir güllə yarası belə almadan təyinat nöqtəsinə çatdırıb.

İqtisad Universitetinin məzunu olan Teymur Məcidzadə Coğrafiya fənni üzrə olimpiada qalibi olub. Döyüş yolunun başladığı Füzulidən, Xocavəndə, Şuşaya qədər hər kəsin yoluna işıq olub. Xəritəni mükəmməl bilməsi bütün vəziyyətlərdə əraziyə tam bələd olmasına imkan verib. Cəmi 8 ay yaşaya bildiyi ata ocağı olan Füzulinin Gecəgözlü kəndindən anasının qucağında çıxan Teymur öz kəndini döyüşərək geri qaytarıb.

Ermənistanın təslim olmasından cəmi bir neçə saat əvvəl Teymur son döyüşün son şəhidlərindən olub.Şuşa uğrunda gedən döyüşlərdə ağır yaralanan Teymuru yoldaşları döyüş meydanından çıxarsalar da, həyatını xilas etmək mümkün olmayıb.

Teymurun yerini artıq onlar üçün heç kim doldura bilməz. Tək təsəlliləri torpaqlarımızın geri alınması və Teymurun xilas etdiyi döyüş yoldaşlarının onun haqqında olan xatirələridir.

Mövzu ilə bağlı daha ətraflı videomaterialı təqdim edirik:

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.