Cəmiyyət

"Şagirdlərin 25 faizi məktəbdə yoluxub" - Nazir

16 Oktyabr 2020 11:58
Baxış: 1 059

Gündəlik olaraq Təhsil Nazirliyində yoluxan müəllim və şagirdlər barədə statistika aparılır.

Milli.Az bildirir ki, bunu bu gün keçirilən brifinqdə təhsil naziri Emin Əmrullayev Trend-in müxbirinin sualını cavabında deyib.

O bildirib ki, nazirlik, həmçinin bununla bağlı TƏBİB-dən də statistika əldə edir: "Bu günə qədər 636 şagird koronavirusa yoluxub. Bu şagirdlərin hamısı məktəbdə yoluxmayıb.

Cəmi 25 faiz şagird məktəbdə yoluxub. Digərləri ailələrində valideynləri xəstə olduğu üçün onlardan yoluxub. Bağlanmış siniflərin sayı artmağa başlayıb. Bir sinifdə 4-5 şagirdin yoluxması faktı qeydə alınmayıb".

Nazir qeyd edib ki, sentyabrın 15-dən sonra müəllimlər arasında kütləvi yoluxmaya rast gəlinib: "Bakı, Sumqayıt və Abşerondakı məktəblərdə risk daha böyükdür. Amma bu, o demək deyil ki, rayonlarda yoluxma yoxdur. Quba rayonunda bir məktəb ən tez bağlanan məktəblərdəndir. Harda yaşamağımızdan asılı olmayaraq diqqətli olmalıyıq. Çalışmalıyıq ki, özümüzü qoruyaq".

E.Əmrullayev qeyd edib ki, oktyabrın 15-nə olan məlumata görə, 546 şagird, 186 müəllim və texniki işçilər koronavirusa yoluxub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.