Cəmiyyət

Vaqonların sayı artırılsın, vaxt intervalı qısaldılsın - Baş infeksionistdən TƏKLİF

16 Sentyabr 2020 06:31
Baxış: 1 253
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Metropolitendə nəzarəti gücləndirmək vətəndaşların sağlamlığının qorunmasını tam şəkildə təmin etməyəcək. Yəni, sərnişinlərin sağlamlığının təmini onların birbaşa olaraq özlərindən asılıdır".

Milli.Az bildirir ki, bu fikirləri publika.az-a danışan baş infeksionist Cəlal İsayev deyib.

O bildirib ki, əgər insanlar çoxdursa və sıxlıq varsa, sərnişinlər gözləməli və az sayda adam olan vaqonlardan istifadə etməlidirlər:

"Hər şəxsin yanında bir nəzarətçinin olması qeyri-mümkündür. Metropolitendən sadəcə vaqonların sayının artırılması tələb oluna bilər. Əlavə vaqonlar sərnişinlərin istifadəsinə verilərsə, sıxlıq da azalar. Bundan əlavə, təklif edirəm ki, metroda vaxt intervalı qısaldılsın. Vaqonlar tez-tez gələrsə, sərnişinlər də qısa müddətdə daşınacaq və heç bir sıxlıq yaranmayacaq. Vətəndaşlar göstərilən qaydalara əməl etməlidir".

C.İsayevin sözlərinə görə, bəzi şəxslər qatar gözləyəndə və ya vaqonun içərisində maskasız gəzir: "Bu isə virusun yayılmasına şərait yaradan səbəblərdən biridir. Bütün hallarda sərnişin özünü qorumaq nöqteyi-nəzərdən ən önəmli faktordur. İstər pik saatlar olsun, istərsə də sərnişin az olsun və ya heç olmasın, yenə də qaydalara əməl olunmalıdır. Vaqon boş olsa belə, ora qapalı məkan olduğu üçün maskadan istifadə etmək, dezinfeksiya tədbirlərinə əməl etmək lazımdır. Vaqondakı tutacaqlardan hər kəs istifadə edir. Ona görə də qatarı tərk etdikdən sonra əlləri mütləq spirtləmək lazımdır".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.