Cəmiyyət

Qazaxıstandan indiyədək gəmi ilə 180 azərbaycanlı gətirilib

6 Avqust 2020 10:32

Baxış: 1 112

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AZƏRBAYCAN #QAZAXISTAN

Azərbaycan hökuməti koronavirus (COVID-19) pandemiyasının yayılma təhlükəsi səbəbindən sərhədlərin bağlanmasına görə müvəqqəti olaraq (xidməti və şəxsi səfərlərlə əlaqədar) Qazaxıstanda qalan daha 18 vətəndaşı ölkəyə gətirib.

Azərbaycanın Aktaudakı Baş konsulluğundan Milli.Az-a verilən məlumata görə, "Azərbaycan Xəzər Dəniz Gəmiçiliyi" QSC-nin "Akademik Zərifə Əliyeva" (10 nəfər), "Naxçıvan" (4 nəfər) "Həsən Əliyev" (4 nəfər) bərə gəmiləri ilə yola salınan vətəndaşların hamısı COVID-19 testindən keçirilib.

Qeyd edək ki, ümumilikdə bu günə qədər Baş konsulluq tərəfindən Aktau limanından gəmi ilə 180 nəfər vətənə göndərilib.

Baş konsulluqda Azərbaycana təxliyəni gözləyən vətəndaşların qeydiyyat prosesi davam etdirilir.

Milli.Az