Cəmiyyət

Təhsil müəssisələrində tətilin vaxtı uzadıldı - Operativ Qərargah

20 Mart 2020 13:46

Baxış: 24 520

VTB-də minimal faiz dərəcəsi ilə nağd kredit 10.49%-dən

#CƏMİYYƏT #TƏHSİL

Azərbaycanda təhsil müəssisələrində tətilin vaxtı uzadılıb.

Nazirlər Kabineti yanında operativ qərargahdan Milli.Az-a verilən məlumata görə, Azərbaycan Respublikasında koronavirus infeksiyasının (COVİD - 19) yayılmasının qarşısının alınması və sosial təcridin gücləndirilməsi məqsədilə təxirəsalınmaz tədbirlər davam etdirilir.

Yoluxma hallarının qarşısının alınması məqsədilə sosial təcrid tədbirləri çərçivəsində 2020-ci ilin martın 29-dan aprelin 18-dək (ilk tədris günü aprelin 20-si müəyyən edilir) bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul olunub.

Milli.Az