Cəmiyyət

Ölkədə yaranan maska qıtlığı - VİDEO

25 Fevral 2020 15:43
7 Şərh     Baxış: 2 351

Çində tüğyan edən və bütün dünyanı təşvişə salan dəhşətli koronavirus epidemiyası tibbi maskalara tələbatı artırıb. Dünyadakı maska qıtlığı fonunda ölkəmizdə tibbi maskaların qiyməti qaldırılıb.

Milli.Az bildirir ki, ARB TV-nin "Günə doğru" verilişində məsələ ilə bağlı süjet yayımlanıb.

Sakin: "Satışa gətiriblər, satılmalıdır. Qiyməti elə ona görə qaldırıblar ki, guya xəstəlik var. Bu da bir növ biznesdir. Bəziləri bu virusdan yararlanıb maskaların qiymətini qaldırır, maskadan gəlir əldə etməyə çalışır".

Eyyub Hüseynov - AİB-sədri: "Tələb artanda, həmişə qiymət qalxır, keyfiyyət aşağı düşür. Bu gün mənə 4 zəng gəlib regionlardan. Saatlıdan da bir zəng gəlib. Ümumiyyətlə, tibbi maskalar tapılmır. Və görünür, bu tapılmamazlıq ona gətirəcək ki, tibbi maska alverçiləri meydana çıxacaq. Aptekdən kənar satılmalar meydana çıxacaq və s.".

Bir neçə həftə əvvələ qədər 1 ədədi 5-10 qəpiyə satılan qoruyucu maskalar hazırda apteklərdə 3-4 dəfə baha satılır. Aptekçilər bunu ölkədə yayılmış qrip və dünyanı təşvişə salan koronavirusla izah edirlər. Azərbaycanda da Çindən gələnlərin karantinə alınması və həyəcanlı xəbərlər maskanın qiymətinə təsir edib.

Əczaçı ilə söhbət:

-         Qiymətlər bahalaşıb düzdür?
-         Əlbəttə bahalaşıb.
-         Nə qədər qalxıb qiymətlər?
-         50 qəpiyə, çünki əldə satanlar baha satır.

Rəşad Həsənov - İqtisadçı: "Koronavirusun artıq region ölkələrində ortaya çıxması və ölüm hallarının olması Azərbaycanda bu virusun yayılma riskini birdən-birə kəskin şəkildə artıran faktor kimi çıxış edir. Bu da bazarda artıq qeyd edilən tibbi ləvazimatlara o cümlədən dərman məhsullarına tələbi artırır".

Əksər apteklərdə isə nəyinki qiymət qaldırılıb, hətta tibbi maskaları tapmaq belə mümkün deyil. Son günlər tələbatın çox olması belə bir mənzərənin yaranmasına səbəb olub.

Rəşad Həsənov - İqtisadçı: "Dövlət büdcəsi tərəfindən Azərbaycanda tibbi ləvazimatların istehlakı var dövlət xəstəxanalarında. Hökumət müxtəlif formalarda əlində olan ehtiyatlardan istifadə edərək, onları ödənişsiz şərtlərlə müraciət edən vətəndaşlara təklif etməklə müəyyən qədər bazarda yaranmış bu təzyiqi neytrallaşdıra bilər".

Qeyd edək ki, Nazirlər Kabineti bəzi tibbi ləvazimat və preparatların ölkə ərazisindən aparılmasının müvəqqəti olaraq məhdudlaşdırılmasına dair qərar verib.

Milli.Az

Məqaləyə dair fotomateriallar:

loading...

Şərh yaz:

7 Şərh:

  • Anonim
    sad story · 25 Fevral 15:45170

    Bu ölkənin axrına ac gözlük çıxacaq. Malaziyada Tailandda sahibkarlar əhaliyə pulsuz maskalar paylayır. Burdakılar 20 30 qəpiyə görə özlərini qoyublar axrıncı yola. Biabr olasız və o gün olsun o qazandığınız pullar ilə birlikdə basdırılasınız. Xərcləyə bilməzsiniz inşAllah

    Cavab yaz
    • Anonim
      .... · 25 Fevral 15:5850

      Aminnnnnnnnn

      Cavab yaz
  • Anonim
    Sevda.R · 25 Fevral 16:04130

    Doğurdan da biyabrçılıqdı burda.Allahın rəhmi gəlsin kasıb camaata.Bu qədər də şərəfsizlik olmaz...

    Cavab yaz
  • Anonim
    Gülka · 25 Fevral 16:3070

    Dünən aptekdən spirt, perekis, doktor mom mazı, maska (üstünüzə sağlıq oğlum xəstələnib evdəkilər yoluxmasın deyə) və immunal soruşdum. Təsəvvür edirsiniz heç biri yox idi. Axırda soruşdum ki çörək, kartof, soğan, pomidor var? Yəni gəlmişkən bazarlıq edim də... Aptekdə əgər dərman yoxdusa, barı ərzaq olsun. Hər çıxılmaz vəziyyətdən istifadə edib dərmanların qiymətini qaldıran işbazların özlərinə ailələrinə qismət olsun o dərmanlar. Haram yığdığı pula dərman alsınlar in şə Allah. Amin deyən ürəklər var olsun

    Cavab yaz
  • Anonim
    Ali · 25 Fevral 16:4420

    Dünən 5 aptekə girdim maska yox idi. Acınacaqlı vəziyyətdi.

    Cavab yaz
  • Anonim
    Werhci · 25 Fevral 16:5720

    Vedreynen zapravkaya geden milletiy biz.

    Cavab yaz
  • Anonim
    Əli · 25 Fevral 20:2210

    Al-verdən puldan başqa görəsən bunların ağlında nəsə var?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.