Cəmiyyət

Günün qoroskopu: əlahiddə uğurlara rəğmən, gün əlverişli deyil

27 Mart 2020 00:01
11 Şərh     Baxış: 6 365

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - axşam saatlarında yaşam potensialı bir qədər aşağı düşəcək. Səhhətdə problemin yaranması istisna deyil. Uzunmüddətli səfər, idmanla çox məşğul olmaq məsləhət deyil. Təmir və ya evdə dəyişikliklər üçün əlverişli gün deyil.

Buğa - işlə bağlı istənilən məsələlərin müzakirəsi üçün əlverişli gündür. Danışıqlar çətin olsa da, emosiyaların əsiri olmayın. Mövqeyinizi təmkinlə, səbrlə müdafiə edin və opponentlərin rəğbətini qazanın. Nüfuzlu şəxslərlə, dövlət qurumlarının nümayəndələri ilə ünsiyyət üçün yaxşı gündür. Hüquqi məsələləri həll etmək olar.

Əkizlər - günün ilk yarısında ehtiyatlı olun. Səhvə yol vermək çox asandır. Hesabat hazırlamaq, maliyyə məsələlərini həll etmək, alış-verişdə iri məbləğdə pul xərcləmək məsləhət deyil. Müsbət təmayüllərin təsiri güclənir. İşlərdə qayda yaratmaq, əvvəl başlanmış layihələri başa vurmaq imkanı yaranır.

Xərçəng - işləri bir qədər azaldın. İfrat yorulmağa ehtiyac yoxdur. Axşam saatlarını evdən kənarda keçirin. Səfərdən imtina edin. Yaxınlarınızı sevindirin. Həssas və diqqətli olun.

Şir - müsbət təmayüllərin təsiri güclüdür, gün ümumən uğurludur. Lakin məqsədə çatmaq üçün ciddi səy göstərməli olacaqsınız. Bədxahlarınız irəliləyişinizə mane olmaq, yolunuzda sədlər yaratmaq üçün əllərindən gələni edirlər. Təmkinli, sakit olun. Situasiyanı dəqiq və səhih dəyərləndirin, necə addım atmağın gərəkdiyini müəyyənləşdirin.

Qız - təhsil və tədris üçün əlverişli gündür. Mühüm informasiya və yaxud məlumatın yadda saxlanması ilə bağlı problem yoxdur. Əldə etdiyiniz biliyi dərhal tətbiq edin. İmkanınız varsa, alış-veriş üçün əlverişli vaxtdır. Axşam saatlarında səhv etməyin.

Tərəzi - səbrli, dözümlü olun. Gün böyük uğurlar və ya önəmli qələbə vəd etmir. Məqsədə çatmaq üçün vaxt gərəkdir. Boş söhbətlərə qatılmayın, yoxlanmamış məlumatlar yaymayın. Sizin üçün önəmli insanlarla yaxşı münasibətləri qorumaq üçün açıqlamalarınızda, sözlərinizdə ehtiyatlı olun.

Əqrəb - yeni tanışlıqlar üçün uğurlu gün deyil. Xoş təəssürat bağışlaya bilməyəcəksiniz. Yaxın ətrafınızdakı insanların reaksiyalarını dəyərləndirmək asan deyil. Sevimli insanla həssas olun, diqqətli davranın. Onun sizin dəstəyinizə ehtiyacı var.

Oxatan - əlahiddə uğurlara rəğmən, gün əlverişli deyil. Qələbələr sizə kiçik, məğlubiyyət və ya uğursuzluq isə fəlakət təsiri bağışlayacaq. Əslində belə deyil. Bir qədər düşünün: heç də pis olmayan nəticələr əldə olunub, qiymətli təcrübəyə yiyələnibsiniz. Sənədlərlə çalışmaq, hesabatlar hazırlamaq məsləhət deyil. Fikriniz dağınıqdır, həmişəki günlərdən fərqli olaraq daha tez-tez səhvlərə yol verirsiniz.

Oğlaq - yaxşı dost məclisində və ya ailə üzvlərinizin yanında istirahətdən həzz alacaqsınız. Bir şərtlə ki, bütün təşkilati məsələləri əvvəlcədən həll edərək işi gümana bağlamayasınız. Səfər varsa, diqqətli olun. Axşam saatları kulinar eksperimentlər üçün yaxşı vaxtdır.

Dolça - işlə bağlı problemlərdən qurtulmaq mümkün deyil. Bütün diqqəti işə yönəldin, səhvləri sıralamayın. Həmkarlar və tərəfdaşlardan biri yaxşı məsləhət verəcək. Fəqət hər şeyə rəğmən yalnız öz intuisiyanıza güvənin. Sayıq və məntiqli olun. Sövdələşmə və müqavilə, yeni layihə üçün əlverişli gün deyil. Bir dəfə sizi aldatmış insanlarla yenidən hansısa işə başlamayın.

Balıqlar - günün ilk yarısı qarışıq, təbəddülatlı və  əndişəli vaxtdır. Kiçik problemlər, işdə anlaşılması mürəkkəb təxirəsalmalar yaşanır. Nə baş verdiyini araşdırın, qayda yaradın. Səyləriniz hədər getməsin. Maliyyə fonu uğurlu deyil. Bu gün imzalanan müqavilə, əldə edilən razılaşma, yatırılan sərmayə uğurlu olmayacaq. Alış-verişdə çox pul xərcləməyin.

Milli.Az

loading...

Şərh yaz:

11 Şərh:

  • Anonim
    AylaM · 27 Mart 00:58360

    Esra can, İnşallah sabah hər şey yaxşı keçsin,bizə də xəbər verin. Allah kömək olsun.

    Cavab yaz
  • Anonim
    Alsu. · 27 Mart 09:59400

    Bu aqır gunlərdə kimin nə problemi varsa , Allah onlara yardımcı olsun .Allah hər kəsi arzularına catdırsın .Butun xəstələrə şəfa arzulayaq . Həmrəy olaq , bir birimizə bu cətin gunlərimizdə dayaq olaq .Amin !

    Cavab yaz
  • Anonim
    Ağsaqqal · 27 Mart 10:20220

    Esranın anası başda olmaqla ,tanrı Azərbaycan xalqına kömək olsun !Biri -birimizə dayaq ,həmdəm ,mənəvi dəstək olmağımızdan qeyri yolumuz yoxdu .Inşallah yaxşı olar .

    Cavab yaz
    • Anonim
      Mahir · 27 Mart 10:25150

      Esra xanim ananiz necedir?

      Cavab yaz
  • Anonim
    Esraya · 27 Mart 10:45220

    Öz dəst xəttilə seçilən bacım,bu çətin günündə həmişə sənin yanında olmağımızı unutma.düzdü hər kəsin çətinlikləri var,amma sənin çətinliyin üçün etdiyimiz dualarımıza,ayırdığımız vaxtlara,birliyimizə heyfsilənmirik.əksinə daha çox ,,yanğı,,hiss edirik.İnşəallah hər şey yaxşı olar.bu da bir zamandı gəlib keçecek kəlamını unutma.Bizlər,Esrasevərlər səninlədi.Ürəkli ol.Səmimi duyğularla ALEKS@

    Cavab yaz
  • Anonim
    Şerhçilere · 27 Mart 11:15240

    Men dünen izlememişem ne olubki Esranın anasına ? Şefalar dileyirem eziz bacımın anasınada

    Cavab yaz
  • Anonim
    Melek b · 27 Mart 13:21100

    Esra Mama yeqin emeliyyat olundu .saat 10 demisdin.indi necedi?

    Cavab yaz
  • Anonim
    Joker · 27 Mart 13:40100

    Ümüd edirəm hər şey yaxşıdır.Esranın maması uğurla əməliyyat olunub.

    Cavab yaz
  • Anonim
    ____________________AyA____________________ · 27 Mart 13:56100

    Allah sefa versin Esra.. yaxsi olar insallah

    Cavab yaz
  • Anonim
    Esraya · 27 Mart 16:07130

    Esra'm Dualarımız səninlədir... Allah bütün xəstələrə şəfa versin. Hər şey yaxşı olacaq. Narahat olma sağ salamat evinə gətirəcəksiz buna inan. İnşallah şad xəbərlərlə yazacağını gözləyirəm.

    Cavab yaz
  • Anonim
    Ağsaqqal · 27 Mart 16:2790

    Mən onu bilirəmki ,dünyada gedən proseslərlə əlaqədar olaraq həkimlərimiz son dərəcə operativ və məsuliyətli fəaliyyət göstərməlidirlər .

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.