Cəmiyyət

Faiq Ağayev qanlı 20 Yanvar gecəsini xatırlayır: “Sanki dünən gecə olub...”

20 Yanvar 2020 09:38
5 Şərh     Baxış: 2 535

Xalq artisti Faiq Ağayev 20 Yanvar faciəsi ilə bağlı "Facebook" hesabında xatirələrini bölüşüb.

Milli.Az oxu.az-a istinadən xəbər verir ki, sənətçi faciənin baş verdiyi həmin dəhşətli günü belə xatırlayır:
 
"Mənim 18 yaşım var idi və mən hər şeyi çox gözəl xatırlayıram. Evimiz "Salyan kazarması"nın yanında yerləşirdi. Böyük qardaşımla evdə idim. Havada təhlükə hiss olunurdu ki, qoşunlar şəhərə yeridiləcək. Ancaq inanmırdıq ki, sovet əsgərləri dinc əhalini güllələyəcəklər - axı, onda hamımız sovet xalqı idik.

Əlbəttə, kütlə arasında iğtişaşçılar və təhrikçilər şayiələr yayırdılar ki, "İran sərbazları", "Türk əsgərləri" gələcəklər və onların tanklarını, hərbi qoşunlarını daşla, ağacla qarşılamaq lazımdır. Bir il sonra isə həmin iğtişaşçılar hakimiyyətə gəldilər və yüksək postları tutdular. Qoşunların öz qanlı yürüşünə başlamasına yarım saat qalmış isə onlar "buxarlandılar".

Atəş başlandı, insanlar qaçmağa başladılar. Eləcə də, mən və qardaşım... Bu çox dəhşətli idi, çünki bizim nəsil müharibə nədir, bilmirdi. Növbəti gün pəncərəmizə artıq iki tank lüləsi baxırdı... Səhər atamla çörək almağa çıxdıq. "Salyan kazarması"nın yanından "Xəzər" kinoteatrı, "Kaspar" xəstəxanası və "Olimp" mağazasına doğru gedirdik.

Tankın əzdiyi təcili yardım maşınını, asfaltın üzərində qan izlərini gördük...Qar yağırdı və buna görə 20 Yanvar günü baş vermiş bu cinayətin, vəhşiliyin izlərini ayırd etmək qeyri-mümkün idi. Yanlarından keçdiyimiz evlərin, demək olar ki, hamısının şüşələri sındırılmış, divarları güllələrlə deşilmişdi.

Daha sonra dəfnlər başladı... Şayiələr gəzirdi ki, ölənlər o qədər çoxdur, cəsədlərin bir hissəsi Xəzər dənizinə atılıb.

Mənə indi də, illər keçəndən sonra da bu barədə danışmaq çox çətindir. Qorxunc faciə yaddaşlarda yaşayır. Hər şey göz önünə gəlir, sanki bütün bunlar dünən gecə olub..."

Milli.Az

loading...

Şərh yaz:

5 Şərh:

  • Anonim
    Nara · 20 Yanvar 12:0080

    Allah bütün şəhidlərimizə - "Azərbaycan" adlı məmləkətin adı tarix xəritələrinə düşdüyü gündən bu günə qədər,bu yurd,bu torpaq uğurunda canından-qanından keçən insanlara qəni-qəni rəhmət eləsin.Onlar şəhidlikləri ilə Allahın yanında ən yüksək zirvəyə ucaldılar,Azərbaycanımıza isə ən dəyərli və çirin nemət olan müstəqillik qazandırdılar...Yerləri cənnət olsun.

    Cavab yaz
  • Anonim
    Nara · 20 Yanvar 12:1310

    Şərh yazdım vermədiniz

    Cavab yaz
  • Anonim
    F.S.D. · 20 Yanvar 14:3340

    Tarix boyu Vətən deyib Vətən uğrunda canlarından keçən bütün vətəndaşlarımıza Allah rəhmət etsin. Doğurdanda elə bil dünən olub. Hava çox qəribə idi elə bil ölüm qoxusu vardı havada. Gözümün qarşısından keçmir gündüz əsgərlərin qoruyucu geyimdə şit üzlərində nizamla hərbi hissəyə daxil olmaları. axşamı atəş səslərin eşidirdik tanklar sürətlə hərkət edir atırdılar(( qardaşımla atamı saxlaya bilmirdik(( atam yola çıxdı tank keçirdi bacım atamın üstünə tullanıb yıxmasydı atamı onda itirə bilərdik(( qardaşımı bağlamışdıq çıxmasın. Mən nədənsə qorxmurdum. 20-də qar yağırdı sulu qar hava çox soyuq idi. 90-cı idən bu günə kimi diqqət etmişəm hər il yanvarın19-da qar yağsada hava çox soyuq olsada 20-də hava günəşli olur. Pis hava şəraiti 20-dən sonra dəyişir . Allah bütün şəhidlərimizə rəhmət etsin qanları yerdə qalmasın

    Cavab yaz
  • Anonim
    Hekim Eldostu · 20 Yanvar 23:0331

    Ancaq corek almaq ucun "olimp"e teref niye getdiyini anlaya bilmedim, hemin kucede corek magazasi awagida yox, eksine yuxarida idi, svetaforu bir 50 metr "Musabeyov" heykeline teref qalxanda yolun saginda!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.