Cəmiyyət

Günün qoroskopu: Təcrübəli insandan yararlana bilərsiniz

25 Oktyabr 2019 00:01
10 Şərh     Baxış: 5 104

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - sakit gündür. Tələskənliyə yol vermədən çalışın. Maraqlı saydığınız işlə məşğul ola bilərsiniz. Təkbaşına işləyin, müstəqil olun.

Sizi yaxşı tanıyan insanlarla ünsiyyətdə olun. Zəiflik və ya üzləşdiyiniz situasiyadan sui-istifadə etməyə çalışmayacaq insanlarla təmaslar qurun.

Günün ikinci yarısında səhhətinizin qayğısına qalın. Profilaktiki prosedurları unutmayın. Zərərli vərdişlərdən imtina və düzgün qidalanma yaşam enerjinizi artıracaq. Nəzərdə tutduğunuz səfər üçün gərəkli aksessuarları ala bilərsiniz.

Buğa - çoxdan bəri nəzərdə tutduğunuz məsələni indi gerçəkləşdirmək olar. Uzun müddət görmədiyiniz insanla qarşılaşacaqsınız. İntuisiyanızın səsini dinləyin. O səs sizi aldatmayacaq, bir çox problemlərin həllində yardım edəcək.

Alış-veriş etmək olar. Simiclik etməyin.

Axşam saatlarını ailəvi istirahətə həsr edin. Qonaqlar sizdə pozitiv əhval-ruhiyyə yaradacaqlar.

Əkizlər - ehtiyatlı olun. Ötən günlər həll olunmayan, çözülməyən problemlər indi ciddiləşir, ağırlaşır. Düzgün davranış modelini seçin. Tələsik addımlar atmayın. Emosional və aqressiv olmayın.

Günün ikinci yarısında fikir ayrılıqları, xırda və önəmsiz məsələlərə görə qarşıdurma ola bilər. Güzəştlərə meylli olun ki, mübahisə böyüməsin. Birmənalı olmayan situasiyalarda dostların məsləhətlərinə qulaq asın.

Axşam saatlarında normal istirahət etməyə çalışın.
 

Xərçəng - planlaşdırdığınız işləri təkbaşına reallaşdırmaq mümkün deyil. Etibarlı müttəfiq, sınanmış dostun yardımına ehtiyacınız var. Birgə fəaliyyətə nə qədər tez başlasanız, bir o qədər yaxşıdır. Səfərə yollananda bilin ki, yolda nəzərdə tutduğunuzdan artıq vaxt keçirməli olacaqsınız.

Günün ikinci yarısında romantik hisslər ola bilər. Fəqət, emosiyaların təsiri altına düşməyin, illüziyaların qurbanı olmayın. Axşam saatlarında dəvət olunduğunuz tədbirə qatılın. Orada maraqlı insanla qarşılaşa bilərsiniz.
 

Şir - yaxşı tanımadığınız, bələd olmadığınız insanlarla ehtiyatlı davranın. Onların ucbatından problemlərlə qarşılaşa bilərsiniz. Zərərli yad təsir altına düşməyin. Yalançı vədlərə aldanmayın, riskli işlərə qatılmayın.

Şəxsi həyatınızla bağlı önəmli qərar qəbul etməyin. İstinad etdiyiniz məlumat yalnız qismən doğrudur.

Günün ikinci yarısında səhhətinizdə yüngül problemlər, yorğunluq hissi olacaq. Yarıyolda dayanmayın. Başladığınız işləri bitirməyə çalışın. Yaşam və fəaliyyət arealında qayda yaradın, prosesləri nizamlamağa can atın. Gərəksiz əşylarla yanaşı, mənasız nigaranlıqdan qurtulun.

Qız - günün ilk yarısı xeyli xoş olacaq. Maraq göstərdiyiniz işlə məşğul olun. Dəyər verdiyiniz insanla təmasda olmağı unutmayın. Yeni ideyalar peyda olacaq. Onların arasında iş və ya biznes müstəvisində irəliləyişlər istisna deyil.

Həmkarlarınızla qeyri-formal şəraitdə müzakirələr apara bilərsiniz.

Günün ikinci yarısı əfsuslar olsun ki, bir o qədər uğurlu deyil. Yaxınlarınızla dil tapmaq, hisslərinizi izhar etmək imkanları azalır. Sevdiyiniz adamdan şübhələnməyin. Heç bir real səbəb olmadan qısqanc davranmayın.

Tərəzi - çətinliklər və problemlərdən xali olmayan gündür. Mürəkkəb, qarışıq işlərə başlamaqdan çəkinməyin. Yeni, faydalı biliklər və təcrübə əxz edə bilərsiniz. Aktual probelmlərin öhdəsindən gəlməkdə sizə yardım edəcək insanları tapın.

Təcrübəli insandan yararlana bilərsiniz.

Günün ikinci yarısında diqqətli olun ki, ağır fəsadlara yol açacaq səhvlər olmasın.

Kiçik maliyyə itkiləri istisna deyil. Alış-veriş uğursuz olacaq. Xərclədiyiniz pullara heyfiniz gəlməsin. Az sonra yaxşı gəlir əldə edəcəksiniz.

Əqrəb - risk etməyin, kiçik məsələlərə görə qıcıqlanmayın. Belədə gününüz pis keçməyəcək. Başladığınız işlərdə ehtiyatlı olun. Cari və rutin məsələlərdə sərvaxt davranın. Maraqlı görüş, tanışlıq ola bilər. Yeni ünsiyyətlər perspektivlidir.

Günün ikinci yarısında bəzi təmaslar ümidlərinizi doğrultmayacaq.

Uzaq səfərə yollanmaq, yola çıxmaq üçün münasib deyil. Mühüm məsələləri adət etdiyiniz, komfortlu şəraitdə müzakirə edin.

Oxatan - hadisələrin nəzərdə tutduğunuz məcrada getməməsi sizi narahat etməsin. Bir qədər gözləyin. Situasiyada müsbət dəyişikliklər olacaq. Düşünülməmiş addımlar atmayın, tələsik qərar verməyin. Yaxın ətrafınızdakı insanların məsləhətlərini qulaqardına vurmaq olar. Yalnız məntiqli və praqmatik məsləhətləri nəzərə alın.

Günün ikinci yarısı köhnə tanışlarla ünsiyyət üçün yaxşı zamandır. İlk dəfə qarşılaşdığınız insana layiq olduğundan artıq dəyər verməyin. Adi günlərlə müqayisədə yolunuzda sədlər və maneələr çox olacaq. Gözə kül üfürməyin.

Oğlaq - məntiqlə və soyuqqanlı şəkildə davransanız, ciddi problemlərdən qurtula bilərsiniz. Planlarınızdan birini məhz indi, hər şeyə rəğmən həyata keçirməyə çalışmayın. Əlverişli anı gözləməyi bacarın. Bunun effektiv taktika olduğunu bir daha anlayacaqsınız.

Günün ikinci yarısında gəlirlər olacaq. Onlar çox olmasa da, yaxşıdır. Nəzərdə tutulmamış alış-veriş və əyləncə mümkündür. Yaxınlarınızdan biri üçün hədiyyə ala bilərsiniz.

Axşam saatlarında yeni informasiya olacaq.

Dolça - günün ilk yarısında narahatlıq və gərginlik olacaq. Nigaran qalmayın, ciddi problemlər yaranmayacaq. Yaşananları ürəyinizə salmayın. Başqa vaxtlar,

ümumiyyətlə, fikir verməyəcəyiniz məsələlərə indi kəskin və emosional şəkildə reaksiya verməyin.

Günün ikinci yarısında emosional fon stabilləşəcək. Əhvalınız yaxşılaşacaq. Axşam saatlarına yaxın müsbət təmayüllərin təsiri güclənəcək. Romantik təmaslar üçün yaxşı zamandır.

Balıqlar - indiyədək yalnız nəzəri baxımdan təsəvvür etdiyiniz planı reallaşdıra bilərsiniz. Orijinal metodlardan istifadə edin. Məqsədə doğru öz yolunuzu arayın. Məhz bu minvalla uğur əldə bilərsiniz.

Laqeyd olmadığınız insanla çoxdankı fikir ayrılıqlarını aradan qaldıra bilərsiniz.

Günün ikinci yarısında münaqişəni çözün, qarşılıqlı anlaşmaya nail olun.

Səfərlər və işgüzar görüşlər üçün əlverişli zamandır. Kompüter, avadanlıq, avtomobil almaq olar. Yaşam potensialınızın səviyyəsi yüksəkdir. İşlər və hadisələr çox olsa da, ifrat yorğunluq hiss etməyəcəksiniz.

Milli.Az

loading...

Şərh yaz:

10 Şərh:

  • Anonim
    Tovuzlu Tutu · 25 Oktyabr 00:0251

    Tovuzludan salamlar

    Cavab yaz
    • Anonim
      Aksin · 25 Oktyabr 12:5203

      Qebul olumadi salamiviz cunki hundur daban geyimisiz basimizin usdunden duz kecdi))))))((((((

      Cavab yaz
  • Anonim
    Ulya · 25 Oktyabr 00:3132

    Yenidən gəlsəydim bu dünyaya mən, Etdiyim səhvlərə mən yol verməzdim. Bir az yaxınlardan uzaq qaçardım, Tikandan bir gülü belə dərməzdim. Sakit dolanardım, sakit yaşardım, Kədərdən ,qüssədən uzaq qaçardım. Əngin fəzalara qanad açardım, Kor olub bir gözəl belə görməzdim. Düşünmə nahaqqa əl çalacaqdım, Ya da kölə olub alçalacaqdım. Könlümlə səmaya ucalacaqdım, Ayrılıq,möhnəti qoşa hörməzdim. Hərdən lal olardım, mən hərdənbir kar, Görməzdim harada namərd,xəbis var. Hərdənbir coşanda şirin arzular, Boğardım, onlara mən yol sərməzdim. Amma...doğulsaydım əgər yenidən, Yenə də qəlbimdə sən olardın,sən. Qapıb xoşbəxtliyi fələk cəngindən, Səni heç bir zaman itirməz idim.

    Cavab yaz
  • Anonim
    Ulya · 25 Oktyabr 00:3431

    Sən bir röya kimi qarşıma çıxdın, Ömrümün sərt qışa adlayan çağı. Həzin baxışınla yandırıb yaxdın, Mən səni de necə sevməyim axı? Səmada bərq vuran aymısan,nəsən, Çağlayan,gurlayan çaymısan,nəsən? Tanrıdan sən mənə paymısan,nəsən? Mən səni de,necə sevməyim axı? Nədir gözündəki bu qüssə, kədər, Baxışın könlümə eyləyir əsər. Hamı qəlbindəkin sevirsə əgər, Mən səni de,necə sevməyim axı? Niyə qınayırsan bu qədər məni, Yaxırsan qəlbimə kədəri,qəmi, Əgər Tanrım özü sevirsə səni, Mən səni de,necə sevməyim axı???

    Cavab yaz
  • Anonim
    Ulya · 25 Oktyabr 00:3631

    Bax bu gün yenə də xəyalımdasan, Məni əridirsən sən qram-qram.. Dünyada heç nədən qorxmayan insan, Səni itirməkdən yaman qorxuram... Qorxuram gözümü qırpmağa belə, Qorxuram əlini almağa ələ, Qorxuram söz belə gətirmək dilə, Səni itirməkdən yaman qorxuram... Nə səndən ayrıla bilir ürəyim, Nə sənsiz çağlayır arzu, diləyim. Ay ahu baxışlı nazlı Mələyim, Səni itirməkdən yaman qorxuram... Nə olar,bir dəfə dön haqq yoluna, Bir boylan sağına, bir bax soluna.. Bu qədər zülm etmə insan oğluna, Səni itirməkdən yaman qorxuram...

    Cavab yaz
  • Anonim
    Ulya · 25 Oktyabr 00:3731

    Sən mənim qarşıma çox gec çıxmısan, Sənmi günahkarsan,mənmi günahkarr? Bəs niyə yandırıb məni yaxırsan, İnsafsız,de, mənim nə günahım var? Gecikən məhəbbət şirinmiş demə, Yandıran,söndürən, sərinmiş demə, Könlümdə boş qalan yerinmiş demə, Gir mənim könlümə yerin tut,nolar? Taleyin, həyatın gərdişinə bax, Həyatın həyasız vərdişinə bax. Mənim taleyimin tərs işinə bax, Mən gedən qataram,sən gələn qatar. Çıxa bilmirəm mən üzünə sənin, Baxa bilmirəm mən gözünə sənin, Bir dəfə baş qoysam dizinə sənin, Ruhum təzələnər,ömrüm uzanar. Bu sevgi ocaqsız kül edir məni, Yaxır ürəyimə min cür sitəmi.. Kaş gənclik çağımda görəydim səni, Sənlə bağlayaydım o vaxt əhd-ilqar.. Nə deyim, deməklə nə hasil olar? Danışan göz olar, susan dil olar.... Mənə gileynimi,sevginmi qalar? Mənlə mi köç edər yoxsa arzular??

    Cavab yaz
  • Anonim
    Ulya · 25 Oktyabr 00:3831

    Nə hicran,nə həsrət,nə də ayrılıq Sözünü dilimə gətirməyəcəyəm. Məni itirirsən... İtir, çox sağ ol. Sənə ayrılığı ötürməyəcəyəm, Mən səni heç zaman itirməyəcəyəm... Gəzməsin yanımda nə qüssə ,nə qəm, Yox olsun ayrılıq, kədər, dərd, sitəm, Səninlə dünyada , Vallah xoşbəxtəm, Bu xoşbəxt günümü bitirməyəcəyəm. Mən səni heç zaman itirməyəcəyəm. Qoy pünhan yaşasın eşqimiz bizim, Bir vursun qoy ürək köşkümüz bizim. Qoşa atılıbdır püşkümüz bizim, Sənsiz bircə günü götürməyəcəyəm, Mən səni heç zaman itirməyəcəyəm

    Cavab yaz
  • Anonim
    Ulya · 25 Oktyabr 00:4031

    Çox dolmuşam bulud kimi yetiş mənə,nolar, gülüm, Sənsizlikdən qalan canım yanıb bir kül olar gülüm. Gəl son qoyaq bu həsrətə, yetək eşqin vüaslına, Eşq şərabın içən könül qana hopar, dolar .gülüm. Yetər daha bu əzablar, gəl fələyə ram olmayaq, Eşqsiz ürək çox yaşamaz,tənha qalıb solar,gülüm. Tale bizi sərt sınağa çoxmu çəkər, biləmmirəm, Düşmən buna sevinəcək, doğma saçın yolar gülüm. Dözmür ürək.üsyan edir. göz zillənir bir nöqtəyə, Bu vəfasız,fani dünya.söylə kimə qalar, gülüm? Gəl sevilək, qəlbən sevək, zövq alaq bu sevgimizdən, Vallah qəlbən sevən hər kəs bizdən ibrət alar,gülüm. Gəl,Əlinin sözlərini sırğa eylə qulağında. Biz olmarıq.tarix bizi bir gün yada salar,gülüm.

    Cavab yaz
  • Anonim
    Ulya · 25 Oktyabr 00:4131

    Bir ömrü bircə yol yaşayırıqsa. Min kədər, min qüssə daşıyırıqsa, Ağrını acını qaşıyırıqsa, Yarımçıq qoyaraq səfərimizi, Biz niyə itirək bir-birimizi? Onsuz da ömrümüz bitir günbəgün, Fərəh, sevincimiz itir günbəgün, Fələk yolumuza vurubsa düyün, Almayıb həyatdan bir dərsimizi, De,niyə itirək bir-birimiz? Saçlara dən düşür, bel büküləndə, Çənə çırtıq çalır diş töküləndə, Ömür sarayından daş söküləndə, Dərə bilmiriksə nəfəsimizi, De,niyə itirək bir-birimizi? Bir gün ayılarıq, çox gec olacaq, Bağçalar yox olar, güllər solacaq. Bax onda “ bağışla” desək də,ancaq... Faydası nə olar? Bilsək də düzü? De niyə itirək bir-birimizi?

    Cavab yaz
  • Anonim
    Ulya · 25 Oktyabr 08:4341

    Cüməniz mübarək!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.