Cəmiyyət

Valideynləri övlad qatilinə çevirən cəhalət - VİDEO - FOTO

8 Avqust 2019 13:12
4 Şərh     Baxış: 3 851

Cəlilabadın Əliqasımlı kəndində 17 yaşlı qızın intihar etmə xəbəri mediada sürətlə yayıldı. Uşaqlıqdan nənə-baba himayəsində yaşayan kənd sakini Aysun Hacıyeva özünü həyətlərindəki yarımtikilidə asaraq öldürüb. Buna səbəb isə qızın nənəsi tərəfindən məcburi evliliyə sürükləməsi olub.

Ən dəhşətlisi isə odur ki, bu, 1 həftə içində eyni səbəbdən baş verən ikinci intihar hadisəsidir. Zaqatalada da elə Aysunun həmyaşıdı Gülər İsmayılova çıxış yolunu məhz intiharda görmüşdü. Hər iki hadisə cəmiyyətdə bəlkə də çoxumuzun bilib də susduğu böyük bir problemi ortaya çıxarır. Valideynlərin övladlarına şəxsiyyət kimi yanaşmaması və həyatına müdaxilə etmələri.

Milli.Az bildirir ki, ARB TV mövzuyla bağlı geniş süjet hazırlayıb.

Vəfa Əkbər - Psixoloq: "Niyə bunların sayı azalmır? Çünki bu gün hər kəs car çəkir və bunu görürük. Niyə bunların sayı azalmır? Çünki o valideynlər hələ də özlərini haqlı hesab edirlər, şişmiş eqolarını tətmin etmələri üçün, hələ də özlərini doğrultmaq üçün və yaşlı nəsilə özünü təsdiq etmək üçün ki, mənim hələ də hökmranlığım keçir öz övladımın üzərində, öz övldalarını qurban verirlər".

Psixoloqun sözlərinə görə, valideynlər övladlarını məcburi nikaha sürükləməklə birbaşa onların şəxsi həyatını idarə etmiş olurlar. Bu mövzuda mütəxəssis tövsiyəsinə gəlincə...

Vəfa Əkbər - Psixoloq: "Ən azından övladlarımızı bu yaşa gətirib, çatdırmışıqsa, onların duyğularına, hisslərinə hörmət edək. Və onları istəklərindən kənar bir şeyə məcbur etməyək. Çünki onların da yaşama haqqı var".

Ailə, Qadın və Uşaq Problemləri üzrə Dövlət Komitəsinin şöbə müdiri Elgün Səfərov isə valideynin övladını nikaha məcbur etməsini cinayət adlandırır. Qurum rəsmisi problemdən çıxış yollarından da danışır.

Cinayət Məcəlləsinin müvafiq bəndinə əsasən, ailə üzvünü, övladını və ya hər hansı bir şəxsi məcburi evliliyə cəlb edəni 4 min manatadək cərimə və 4 ilədək azadlıqdan məhrum edilmə cəzası gözləyir. Amma, təəssüf ki, bu da övladının şəxsi həyatını idarə edən bəzi valideynləri yolundan döndərmir. Belə olmasaydı, Gülər də, Aysun da eyni qədəri yaşamazdı. Və görünür, bu hökmranlığa daha sərt şəkildə "dur" deyilməzsə, hələ çox Gülərlərin, Aysunların intihar xəbərini eşidəcəyik.

Milli.Az

loading...

Şərh yaz:

4 Şərh:

  • Anonim
    Tovuzlu E · 8 Avqust 13:1950

    Teesuf ki bu qatiller cezasiz qalir :( Cinayet mecellesinin muvafiq bendi icra olunsa Gulerler,Aysunlar heyatda olardi

    Cavab yaz
  • Anonim
    asi · 8 Avqust 13:53140

    Hamı cəza, qanun deyir..Amma heç kim cəzalanmır ki, görsünlər ki, belə işlərin cəzası var..Kənddə 11 sinifi 3-5 ilə başa vuran cahil valideyn hardan bilsin məcəllədə nə var nə yox..Çoxu heç öz ad soyadını düzgün hecalaya bilmir, qanundan nə anlasın?? Gərək gözləri ilə görə..Birdə ki, deyəsən bu cür problemlərin ən yaxşı həll yolu ya orta məktəbi 13-14 sinif etməkdir, ya da birinci sinifə qəbulu 8 yaşa qaldırmaq..Onda bəlkə qızların valideyn tərəfdən qətliamının qarşısı alınar..6 yaşdan məktəbə başlayıb 17 yaşda bitirən qızların başqa cür müdafiə metodu real görsənmir..Özlərini öldürməyib evdən qaçsaydılar, onda da adları əxlaqsız çıxacaqdı..P.S..Mənim qızım birinci sinifə 8 yaşının içində gedib..Heç də dünya dağılmayıb..Əksinə dərsi daha yaxşı qavrayır..Ümumiyyətlə rusiyada çox uşaq 7 yaşında, 8-ə yaşa keçəndə gedir məktəbə..

    Cavab yaz
  • Anonim
    Afa (yeraz) · 8 Avqust 15:2720

    Dövlət səviyyəsində cəza olmasa bu valideynlərə xeyri olmayacaq. Yenə gənclərə öz əşyaları kimi davranacaqlar.

    Cavab yaz
  • Anonim
    B · 8 Avqust 16:2510

    Menim qaynanam istəyirki her bir iş onun dediyi kimi olsun amma zaman başqadir menim qizim yniveristetde oxuyanda başqa korpusda oxuyurdu qaynanam4 il qızıma deyirdiki sən niyə əsas korpusda niye oxumursan her semestr qurtaran kimi soruşurdu teqaüd alirsan indidə qurtarib iş tapmaq çətindir onada danişir hazırlığa ğedirdi oğluna deyirdi özü hazirlaşsinuşaqlar hirsleniroxumaqlarina peşman olurlar müdaxilə edirler ona ğörə deyirki oğlunun qazancını istəmir ailəsi yesin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.