Cəmiyyət

Azərbaycanda Silahlı Qüvvələr Günü qeyd edilir

26 İyun 2019 00:11
6 Şərh     Baxış: 1 217

Bu gün Azərbaycanda Silahlı Qüvvələr Günü qeyd edilir.

Milli.Az Trend-ə istinadən bildirir ki, 1918-ci il mayın 28-də yaranmış Azərbaycan Xalq Cümhuriyyəti (AXC) cəmi 23 ay yaşamasına baxmayaraq, ölkədə çox böyük işlər görmüşdü. Bu işlərdən biri də ordu quruculuğu sahəsində görülən tədbirlərdir. Ordu quruculuğu məsələsi çox çətin və mürəkkəb bir prosesdir. AXC yarananda Azərbaycanda milli ordu deyilən anlayış yox idi. Ordusuz dövlət yaşaya bilməz. O vaxt isə vəziyyət olduqca gərgin idi. Gənc Azərbaycan Xalq Cümhuriyyətini parçalamaq, onun ərazisini öz torpaqlarına qatmaq üçün qonşu dövlətlər açıqdan-açığa öz məkrli fikirlərini bildirirdilər.

Milli dövlətin meydana gəldiyi ilk gündən Ermənistan öz ərazisini Azərbaycan ərazisi hesabına genişləndirmək üçün silahlı cəhdlər göstərməyə başladı.

AXC hökumətinin qərarı ilə 1918-ci il iyunun 26-da ilk hərbi hissə - əlahiddə korpus yaradıldı. Bu qərar Şərqin müsəlman aləmində ilk demokratik hökumətin öz ordusunu yaratmasına hüquqi əsas verdi. Bunun ardınca ölkədə hərbi mükəlləfiyyət - orduya çağırış haqqında hökumət tərəfindən fərman verildi. Az bir vaxt ərzində Azərbaycanda milli ordu quruculuğunda əsaslı nəticələr əldə olundu.

Azərbaycan Milli Ordusu Ermənistan ordusunun təcavüzkar hücumlarının qarşısını dəfələrlə uğurla ala bilib.

1991-ci il oktyabrın 9-da Milli Ordunun yaradılması haqqında Azərbaycan Respublikasının Ali Soveti qanun qəbul etdi.

Azərbaycan Prezidentinin 22 may 1998-ci il tarixli qərarına əsasən, 26 iyun Silahlı Qüvvələr Günü elan edilib.

Qeyd edək ki, 2011-ci il iyunun 26-da Bakıda Silahlı Qüvvələr Günü və müstəqilliyin bərpasının 20 illiyi, 2013-cü ildə isə Silahlı Qüvvələr Gününün yaranmasının 95 illiyi ilə münasibətilə hərbi parad keçirilib. Silahlı Qüvvələrin Ali Baş Komandanı Prezident İlham Əliyev hərbi paradlarda çıxış edib.

Milli.Az

Şərh yaz:

6 Şərh:

  • Anonim
    ❤️Ebru❤️ · 26 İyun 01:1350

    Tebrikler.Butun Ordumuza,Allah qorusun Guc quvvet versinn.InsaAllah bele Bayramlari Qarabaqimizda qeyd edek aminn..

    Cavab yaz
  • Anonim
    Papatya · 26 İyun 08:5030

    Ordumuzun 101 ci ili, mubarek olsun. 101 il evvel ordunu quranlara rehmet dileyirem. Butun esger ve zabitleri, serhedçilerimiz daxil olmaqla butun ordumuzu tebrik edirem. Allah şehidlərimizə rehmet etsin. İnsaAllah Qarabağin alinmasi sevinci, baş ucaliği ile qeyd edek...

    Cavab yaz
  • Anonim
    Esra Ibrahimli(Samaxi) · 26 İyun 09:0640

    Tebrik edirem ordumuzu/

    Cavab yaz
  • Anonim
    Azəri · 26 İyun 09:2730

    Azərbaycan Ordusunda xidmət etmiş və xidmət edən bütün kişiləri təbrik edirəm.

    Cavab yaz
  • Anonim
    !!!! · 26 İyun 09:3740

    23 fevral münasibətilə təbrik yazanlar, Azərbaycanda kişilərin bayramı bu gündür, bir yerə yazın gələn dəfə eyni biabırçılığı eləməyin. Gecəsini gündüzünə qatıb şərəflə xidmət edən bütün hərbçilərin, əsgərlərin, şərəfli Azərbaycan oğullarının bayramı mübarək. Allah sizləri qorusun!

    Cavab yaz
  • Anonim
    Esmer · 26 İyun 10:3020

    Her bir herbicilerin Bayramını tebrik edirem .Bu yolda Herbicilerimize Şerefli ve leyaqetli addım atmaqı arzu edirem.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.