Cəmiyyət

AMEA professoru adını almaq üçün seçkilər keçiriləcək

31 May 2019 17:27
1 Şərh     Baxış: 498

AMEA-nın professorluğuna namizədlərin müəyyən olunması üçün gizli səsvermə yolu ilə seçkilər keçiriləcək.

Milli.Az Trend-ə istinadən bildirir ki, bu barədə Azərbaycan Milli Elmlər Akademiyasının Rəyasət Heyətinin iclasında məlumat verilib.

İclasda bildirilib ki, Rəyasət Heyətinin qərarı ilə "AMEA-nın professoru" adını almaq üçün növbəti müsabiqə elan edilib.

Müsabiqədə iştirak etmək üçün respublikanın elmi və ali təhsil müəssisələrindən 24 elmlər doktorunun namizədliyi irəli sürülüb. AMEA-nın professorluğuna namizədlərin müəyyən olunması üçün iclasda gizli səsvermə yolu ilə seçkilərin keçirilməsi və nəticələrin AMEA Rəyasət Heyətinə təqdim olunması qərara alınıb.

Tədbirdə AMEA əməkdaşlarının elmi, elmi-təşkilati, texnoloji, ictimai və təsərrüfat fəaliyyətini qiymətləndirmək məqsədilə AMEA-nın Xatirə nişanı, habelə AMEA-nın Akademik Əşrəf Hüseynov adına mükafatı, Akademik Əli Quliyev adına mükafatı, Akademik Vahab Əliyev adına mükafatı, Akademik Mirəli Qaşqay adına mükafatı, Akademik Ələşrəf Əlizadə adına mükafatı, Akademik Cəlal Əliyev adına mükafatı, Akademik Məmməd Cəfər Cəfərov adına mükafatı, Akademik Məmmədağa Şirəliyev adına mükafatı və Abbasqulu Ağa Bakıxanov adına mükafatı haqqında əsasnamələr təsdiq edilib.

AMEA-nın sonuncu Ümumi yığıncağında AMEA Rəyasət Heyəti üzvlüyünə yeni şəxslərin seçilməsini nəzərə alaraq Rəyasət Heyəti üzvləri arasında yeni vəzifə bölgüsü də təsdiq edilib.

Növbəti qərarla Rəyasət Heyəti aparatının idarə və şöbələrinin yeni əsasnamələri təsdiqlənib.

Rəyasət Heyəti tərəfindən AMEA-nın Zoologiya İnstitutunda Paleozoologiya laboratoriyasının yaradılması, AMEA-nın Milli Azərbaycan Tarixi Muzeyinin strukturunda qismən dəyişiklik edilməsi qərara alınıb.

Milli.Az

loading...

Şərh yaz:

1 Şərh:

  • Anonim
    . · 31 May 21:0300

    Azerbaycanda ne cooox prafessor

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.