Cəmiyyət

Şəhərsalma Komitəsi "Ağ şəhər" layihəsinin reallaşdırılması barədə

12 Aprel 2019 21:10

Baxış: 2 888

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Bakının ən iri layihəsi "Ağ şəhər"in reallaşdırılması tam sürətlə davam edir.

Milli.Az bildirir ki, bunu Trend-ə Dövlət Şəhərsalma və Arxitektura Komitəsinin sədr müavini Dövlətxan Dövlətxanov deyib.

Onun sözlərinə görə, 221 hektar ərazini əhatə edən "Ağ şəhər"in hüdudları Nobel prospekti və Yusif Səfərov küçəsi istiqamətindən aydın görünür:

"Əvvəllər sənaye zonası hesab olunan bu ərazidə təmizləmə, təkrar planlaşdırma, kommunikasiya xətlərinin çəkilməsi, yol şəbəkəsinin qurulması işləri aparılıb. Bu, Azərbaycan Prezidenti İlham Əliyevin "Azərbaycan Respubikasında ekoloji vəziyyətin yaxşılaşdırılmasına dair 2006-2010-cu illər üçün kompleks tədbirlər Planı"nın təsdiq olunması barədə sərəncamı çərçivəsində reallaşdırılan irimiqyaslı şəhərsalma layihələrindən biridir".

O qeyd edib ki, tikinti işlərində nüfuzlu xarici şirkətlər iştirak edir:

"Dövlət Komitəsi öz növbəsində tikinti zamanı normativ tələblərə əməl olunmasına nəzarət edir".

D.Dövlətxanov bildirib ki, hazırda bu ərazidə yerləşən köhnə tikililərin böyük əksəriyyəti sökülüb:

"Şəhərin bu hissəsindəki bulvar ərazisi qabaqcıl xarici təcrübədən istifadə olunmaqla faktiki abadlaşdırılıb. İstisna deyil ki, gələcəkdə, bulvarın ərazisinin genişlənəcəyi təqdirdə köhnə tikililərin söküntüsü davam etsin".

Komitə sədrinin müavini əlavə edib ki, layihəyə əsasən bu ərazidə "Ağ şəhər" metro stansiyası da tikiləcək.

Milli.Az