Cəmiyyət

Özbəkistanın müdafiə naziri Azərbaycanda hərbi sənaye məhsullarının istehsalı prosesi ilə tanış olub

14 İyun 2011 17:34
Baxış: 1 022
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AFGHANİSTAN
Özbəkistanın müdafiə naziri Kabul Berdiyevin rəhbərlik etdiyi nümayəndə heyəti bu gün Müdafiə Sənayesi Nazirliyinin Elektron Hesablayıcı Maşınlar Zavodunda olub. Müdafiə Sənayesi Nazirliyinin mətbuat xidmətindən Trend-ə verilən məlumata görə, qonaqlara Elektron Hesablayıcı Maşınlar Zavodunun fəaliyyəti ilə bağlı geniş məlumat verilib.

Zavodla yaxından tanış olan nümayəndə heyəti müəssisədə zirehli texnikaların istehsal prosesini izləyib.

Sonra nazirliyin müəssisələrində istehsal olunan müdafiə təyinatlı məmulatların sərgisinə baxış olub.

Qonaqlar səfər çərçivəsində nazirliyin "Şərq" İstehsalat Birliyinin "AZAD Systems Co." müəssisəsində pilotsuz uçan aparatların istehsal prosesini izləyib və Bakı "Cihazqayırma" zavodunda modernləşdirilən zirehli maşınlarla tanış olublar.

Görüş zamanı nümayəndə heyətini Özbəkistanın Azərbaycandakı fövqəladə və səlahiyyətli səfiri İsmatulla Erqaşev müşayət edib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.