Cəmiyyət

Azərbaycan dünya gözəllik atlasında - FOTO

2 Sentyabr 2016 10:03
25 Şərh     Baxış: 6 780

Dünyaca məşhur ruminiyalı fotoqraf Mixayel Norok bir neçə gün əvvəl Azərbaycanda olub. 

Milli.Az bildirir ki, dünya ölkələrini gəzib təbii gözəl qızlar taparaq onların fotolarını çəkən fotoqrafın sonuncu dayanağı paytaxtımız Bakı olub. O, burada Fidan adlı gözəl azərbaycanlı qızla tanış olub və onun fotosunu çəkib. 

Fidanın şəklini rəsmi "The Atlas of Beauty" səhifəsində paylaşaraq bu sözləri yazıb: 

"Bir neçə həftə əvvəl Azərbaycanın paytaxtı Bakıda olarkən xeyli sayda gözəl qadınla danışmaq imkanım oldu. Kişilərin dominion rolunu oynadığı, qadınların əksəriyyətinin ərlərinin icazəsini almadan şəkil çəkdirməkdən çəkindikləri yerli cəmiyyətdə vəziyyət dəyişir.

Gender bərabərliyi uğrunda mübarizə aparan azərbaycanlı qadınlar hələlik azlıqda olsalar da, onların sayı artır və əminəm ki, yaxında onlar çoxluq təşkil edəcəklər.

Fidan da belə ecazkar xanımlardan biridir. O, qarşılıqlı sayğı və bərabərlik olmadan münasibətlər qurmayacağını deyir.

Bəziləri üçün bu sözlər, bəlkə də adi təsir bağışlaya bilər. Amma inanın ki, dünyanın çox məkanlarında qadının belə sözləri dilə gətirməsi cəsarət və qətiyyət tələb edir", - fotoqraf yazıb.

Ceyhun Ələkbərov

Milli.Az

Məqaləyə dair fotomateriallar:

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.