Cəmiyyət

“Vətəndaşların müraciətləri haqqında” qanun layihəsi müzakirə olunacaq

5 Mart 2015 22:33
0 Şərh     Baxış: 1 371
VTB-də minimal faiz dərəcəsi ilə nağd kredit 10.49%-dən
#CƏMİYYƏT

Martın 6-da Azərbaycan Respublikası Milli Məclisinin növbəti plenar iclası keçiriləcək.

Milli Məclisin mətbuat xidmətindən AZƏRTAC-a bildiriblər ki, iclasda Azərbaycan Respublikasının insan hüquqları üzrə müvəkkilinin (ombudsman) illik məruzəsi dinləniləcək.

Deputatlar "Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında" Azərbaycan Respublikası Milli Məclisinin Qərarında dəyişikliklər edilməsi barədə məsələyə baxacaqlar.

"Azərbaycan Respublikası Hökuməti ilə Norveç Krallığı Hökuməti arasında icazəsiz yaşayan şəxslərin readmissiyası haqqında" və "Azərbaycan Respublikası Hökuməti ilə Norveç Krallığı Hökuməti arasında vizaların rəsmiləşdirilməsinin sadələşdirilməsi haqqında" sazişlərin təsdiq edilməsi barədə qanun layihələri müzakirə ediləcək.

İclasda Su, Torpaq, Cinayət, İnzibati Xətalar məcəllələrində, "Xüsusi mühafizə olunan təbiət əraziləri və obyektləri haqqında", "Ovçuluq haqqında", "Heyvanlar aləmi haqqında", "Dərman vasitələri haqqında", "Siyasi partiyalar haqqında", "Dini etiqad azadlığı haqqında" qanunlarda dəyişikliklər edilməsi barədə qanun layihələri də nəzərdən keçiriləcək.

Deputatlar, həmçinin "Vətəndaşların müraciətləri haqqında" qanun layihəsinə baxacaqlar.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.