Cəmiyyət

Bəzi ixtisaslar üzrə magistraturaya qəbul imtahanlarının keçid balları azaldılıb

23 Fevral 2011 17:37
Baxış: 6 405
VTB-də minimal faiz dərəcəsi ilə nağd kredit 10.49%-dən
Bu barədə Trend-ə Tələbə Qəbulu üzrə Dövlət Komissiyasından (TQDK) məlumat verilib. İxtisaslardan asılı olaraq bakalavrlar üçün birinci sınaq imtahanlarında ballar 50-dən 45 və 40 baladək azaldılıb.

Magistraturalar üçün ixtisasların seçim cədvəli TQDK-nın "Magistr" jurnalının üçüncü nömrəsində dərc olunacaq. Qəbul imtahanlarının birinci turunda iştirak edən bakalavrların nəticələri, eləcə də keçid ballarının azaldıldığı ixtisaslar Tələbə Qəbulu üzrə Dövlət Komissiyasının saytında yerləşdirilib. Abituriyentlərin ali məktəblərin magistratura pilləsinə imtahanların birinci mərhələsində göstərdikləri nəticələrlə bağlı müraciətlərinə TQDK-da fevralın 23-dən 26-dək baxılacaq.

Qeyd edək ki, magistraturalara qəbul imtahanlarının birinci turu fevralın 20-də Bakı, Naxçıvan, Gəncə və Lənkəranda (ilk dəfə) keçirilib. Qəbul imtahanlarının birinci turunda iştirak etmək üçün 16 510 bakalavr ərizə verib. Ərizələrin 14 447-si Azərbaycan, 2 063-ü rus bölməsinə verilib. Bakalavrların 9569 nəfəri 2011-ci ilin məzunlarıdır.

Milli.Az

Uyğun link:

Magistraturaya qəbul imtahanının birinci mərhələsinin nəticələri açıqlandı
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.