Cəmiyyət

İnsanlar pula görə nəyə hazırdırlar? - MÜZAKİRƏ

22 İyul 2015 13:26

51 Şərh Baxış: 5 120

#CƏMİYYƏT #MÜZAKİRƏ

Bu günlərdə Rusiyada qəribə mövzuları ilə gündəmə gələn bloqer peyda olub. Olduqca imkanlı ailədən olan gənc bloqer oğlan Rusiya şəhərlərinin mərkəzi küçələrində gizli kamera quraşdırır, paltarına səsyazan cihaz taxır və düşür küçənin canına. Yoldan keçənlərdən pul müqabilində fərqli hərəkətlər etməyi xahiş edir.

Onun küçədən keçənlərdən tələbləri çox müxtəlifdir. Lakin biz yalnız etik normalara nisbətən yaxın olanları sadalamaq istəyirik. Misal üçün, bu gənc oğlan küçədən keçən tanımadığı yaraşıqlı bir xanıma yaxınlaşır və 10 min rubl (184 manat) müqabilində yanbızına toxunmağı xahiş edir. Qızların çoxu onu rədd etsə də, razılaşanlar da tapılır. Qızlara pul müqabilində maşına keçməyi və soyunmağı da təklif edir ki, bu təklif də bəzi qızlar tərəfindən qəbul olunur.

Kişilərdən isə pul müqabilində ifrazat içməyi xahiş edir. Düzdür, onu belə bir təklifə görə kötəkləyənlər də olur, ancaq bir nəfər təklifi qəbul edir. Birdən-birə gələn asan pulun müqabilində bir kişi həmin gənc bloqerin idrarını içir və gizli kameralar da onu çəkir.

Başqa bir gənc oğlana pul təklif edərək suya atılmağı xahiş edir. O da həmin pula görə təklifi qəbul edir və gölməçəyə atılır.

Həmin gənc bloqerin "sınağı" nə qədər iyrənc görünsə də, o, insanların pul müqabilində hansı iyrəncliklərə qadir olduğunu göstərməyə çalışır. O iddia edir ki, pul hər şeyi həll edir.

Burada pis olan kimdir? Pul təklif edən həmin gənc oğlan, yoxsa pulun müqabilində hər iyrəncliyə qadir olan insanlar?

Milli.Az