Cəmiyyət

Tibb mərkəzi Səhiyyə Nazirliyini məhkəməyə verdi

9 Aprel 2015 16:33
0 Şərh     Baxış: 1 759
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

Səhiyyə Nazirliyi tərəfindən fəaliyyəti dayandırılan "Atlas Medical Center" nazirliyi məhkəməyə verib

Nazirliyin mətbuat xidmətinin rəhbəri Anar Qədirli APA-ya açıqlamasında bildirib ki, bir müddət öncə "Atlas Medical Center"də tibb xidmətlərinin təşkili zamanı tibbi tələblərinin ciddi şəkildə pozulması faktı aşkarlanıb. Bunun nəticəsində Səhiyyə Nazirliyinin komissiyası tərəfindən özəl klinikanın fəaliyyəti nöqsanlar tam şəkildə aradan qaldırılana qədər dayandırılıb. Lakin sonradan özəl klinika nazirliyin bu qərarı ilə bağlı məhkəməyə müraciət edib. Prosedur qaydalarına əsasən, "Atlas Medical Center" məhkəmənin qərarı olana kimi fəaliyyətini davam etdirir. Sonra isə özəl tibb müəssisəsinin fəaliyyətinin davam etdirib-etdirməyəcəyi məhkəmənin qərarından asılı olacaq.

Qeyd edək ki, bir müddət öncə Səhiyyə Nazirliyinə "Atlas Medical Center"in lisenziyasında nəzərdə tutulmayan - ginekoloji və doğuşa yardım xidmətlərinin göstərilməsi barədə siqnal daxil olub. Yoxlama nəticəsində təsdiq olunub ki, həmin tibb mərkəzində lisenziyada nəzərdə tutulmadan qanunsuz ginekoloji və doğuşayardım xidmətləri göstərilir. Bundan əlavə, yoxlama nəticəsində başqa qüsurlar da aşkarlanıb. Nəticədə Səhiyyə Nazirliyinin komissiyası tərəfindən özəl klinikanın fəaliyyəti nöqsanlar tam şəkildə aradan qaldırılana qədər dayandırılıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.