Şou-biznes

Röya "YouTube"dan silinən mahnısından DANIŞDI

15 May 2026 17:16
Baxış: 2 738
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #MÜĞƏNNİ #XALQ ARTİSTİ

Xalq artisti Röya Ayxan və müğənni Əkbər Əliyevin birlikdə səsləndirdiyi "Ay qız" mahnısı yenidən "YouTube" platformasında yayımlanmağa başlayıb.

Milli.Az xəbər verir ki, bir müddət əvvəl mahnı ilə bağlı sosial şəbəkələrdə plagiat iddiaları yayılmış, bundan sonra duet platformadan silinmişdi. Lakin aparılan yoxlamalardan sonra layihənin başqa bir əsərin kopyası olmadığı müəyyən edilib və mahnı yenidən bərpa olunub.

Məsələ ilə bağlı Röya Ayxan sosial media hesabında paylaşım edərək yayılan ittihamlara münasibət bildirib. Sənətçi "YouTube" tərəfindən mahnının plagiat olmadığına dair təsdiq verildiyini vurğulayıb.

O, paylaşımında bəzi şəxslərin mahnının silinməsi üçün şikayət etdiyini, lakin bunun nəticəsiz qaldığını qeyd edib. Müğənni həmçinin gənc bəstəkar və ifaçıların ruhdan salınmasına qarşı olduğunu deyərək, onların daim dəstəklənməsinin vacibliyini bildirib.

Qeyd edək ki, "Ay qız" mahnısının sözləri Həmid Məmmədliyə, musiqisi isə İsmayıl Zadəyə məxsusdur. Mahnı bir neçə gün əvvəl platformadan silinsə də, rəsmi müraciətdən sonra yenidən yayımlanıb.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.