Cəmiyyət

Udinlər bayram edirlər

7 Yanvar 2015 15:01
0 Şərh     Baxış: 1 242
VTB-də yüksək depozit faizleri daha çox qazandırır
#CƏMİYYƏT #BÖLGƏ XƏBƏRLƏRİ
Bütün xristian aləmində olduğu kimi, Qəbələnin Nic qəsəbəsində yaşayan udinlər də "Milad"ı qeyd ediblər.

Milli.Az Kanal S-ə istinadən bildirir ki, "Cotari" alban kilsəsində təşkil olunan mərasimdə bu bayramın mahiyyətindən danışılıb, təbriklər səsləndirilib. Kilsənin əsaslı bərpası ölkədə yaşayan digər dini və milli azlıqlarla yanaşı, udinlərə qarşı da ayrı-seçkiliyin olmadığına nümunədir.

Qəsəbədə 3 kilsə, iki məscid var və hər bir vətəndaş heç bir basqı altında olmadan dini ayinləri icra etmək imkanına malikdir. Bu sözlər Qəbələnin Nic qəsəbəsndəki Cotari kilsəsində təşkil edilən bayram mərasimində səsləndirilib. Bildirilib ki, altı min əhalisi olan qəsəbədə 3700 udin yaşayır. Udinlər öz dilini, dinini, adət-ənənələrini 2500 ildir ki, qoruyub saxlayırlar. Qəsəbə məktəbində ibtidai siniflər üçün udin dili tədris olunur, kilsədə dini ayinlər onların ana dilində icra edilir. Halbuki, sovetlər dönəmində udinlərə öz bayramlarını qeyd etmək qadağan olunmuşdu. Ölkəmiz müstəqillik əldə etdikdən sonra isə onlar etnik xalq olaraq bayramlarını hər il qeyd edirlər. Çıxışlardan sonra kilsədə şamlar yandırılıb, dualar oxunub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.