Sağlamlıq

Azərbaycanda xərçəng əleyhinə peyvənd tətbiq olunacaq? - VİDEO

15 İyul 2025 22:21

Baxış: 726

VTB-də yüksək depozit faizleri daha çox qazandırır

#VİDEO #XƏSTƏLİK

"Dünyada insanları xərçəngdən qoruyan mühüm peyvəndlərdən birinin Azərbaycanda da tətbiqi ilə bağlı danışıqlar aparılır".

Milli.Az Xəzər TV-yə istinadən bildirir ki, bunu Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı media nümayəndələri ilə görüşdə bildirib.

Söhbət HPV peyvəndindən gedir. HPV peyvəndi dünyada uşaqlıq boynu xərçənginə səbəb olan papiloma virusuna qarşı 2006-cı ildən bəri tətbiq olunur.

Hande Harmancı deyib ki, Səhiyyə Nazirliyi bu peyvəndin Azərbaycanda da tətbiq olunması ilə bağlı müsbət mövqedədir. HPV vaksini bir neçə il ərzində milli peyvənd təqviminə salına bilər.

Hande Harmancı həmçinin bildirib ki, COVID-19 əvvəlki kimi təsirli olmasa da, hələ mövcuddur. Xüsusilə 65 yaş üzəri insanlar risk qrupundadır.

Tədbirdə Azərbaycanda sağlam şəhərlərin yaradılması ilə bağlı danışıqların aparıldığı və bununla bağlı ətraflı məlumat veriləcəyi də bildirildi.

Daha ətraflı videomaterialı təqdim edirik.

Milli.Az