Azərbaycanın beynəlxalq aləmdə mövqeyi getdikcə güclənir. İndi Azərbaycan bir çox mötəbər beynəlxalq siyasi, humanitar və idman tədbirlərinin tez-tez keçirildiyi bir məkandır. Bütün bunlar qlobal səviyyədə informasiya mübadiləsinin artmasına əlverişli imkan yaradır. Azərbaycanın milli informasiya agentliyi olan AzərTAc da bu imkandan yararlanmağa çalışır.
Milli.Az AzərTAc-a istinadən xəbər verir ki, bu fikirlər oktyabrın 30-da Azərbaycan Dövlət Teleqraf Agentliyində (AzərTAc) Böyük Britaniya və Şimali İrlandiya Birləşmiş Krallığının Azərbaycandakı səfiri İrfan Siddiq ilə keçirilən görüşdə səslənib.
Baş direktor Aslan Aslanov AzərTAc-ın son dövrlərdə genişlənən informasiya mübadiləsinin coğrafiyasından danışıb, agentliyin dünyanın 40-dan çox ölkəsinin milli xəbər qurumları ilə ikitərəfli müqavilə əsasında əməkdaşlıq etdiyini diqqətə çatdırıb.
Baş direktor A.Aslanov Böyük Britaniyanın Press Association agentliyi ilə AzərTAc arasında sıx əlaqələrin və bu nüfuzlu informasiya qurumunun baş icraçı direktoru Klayv Marşalla səmimi dostluq münasibətlərinin olduğunu söyləyib. Bildirilib ki, Dünya Xəbər Agentlikləri Konqresi Şurasının AzərTAc-ın təşkilatçılığı ilə Bakıda keçirilən iclasında Klayv Marşal da fəal iştirak edib, ölkəmizin regionlarında səfərdə olub.
Beynəlxalq əlaqələrinin genişlənməsi AzərTAc-ın dəqiq və etibarlı informasiya mənbəyi kimi məsuliyyətini artırdığını bildirən baş direktor vurğulayıb ki, indiki sosial media bumu şəraitində bu çox vacib amildir. Milli xəbər agentlikləri informasiyanın daha sürətlə və geniş coğrafiyada yayılmasında sosial medianın imkanlarından maksimum səmərəli istifadə etməlidir.
Səmimi görüşə görə minnətdarlığını bildirən səfir İrfan Siddiq Azərbaycan ilə Böyük Britaniya arasında tarixən mövcud olan dostluq əlaqələrindən danışıb. Bildirib ki, Azərbaycan müstəqilliyini bərpa etdikdən sonra qarşılaşdığı çətinlikləri uğurla dəf edərək, sürətli inkişaf yoluna çıxıb. Böyük Britaniyanın enerji şirkətlərinin Azərbaycana sərmayə yatırmaqda hər zaman maraqlı olduqlarını söyləyən İrfan Siddiq diplomatik missiyası dövründə bu əlaqələrin ticarət, təhsil və digər sahələrdə də genişlənməsinə töhfə verməyə hazır olduğunu bildirib. Səfir ölkələrimiz arasında informasiya sahəsində əlaqələrin inkişaf etdirilməsinin əhəmiyyəti barədə danışıb. İrfan Siddiq Böyük Britaniyanın səfiri olaraq AzərTAc ilə əməkdaşlığın inkişafı üçün səylərini əsirgəməyəcəyini vurğulayıb.
Milli.Az
Cəmiyyət
Azərbaycanın dünyada möhkəmlənən nüfuzu informasiya mübadiləsinin genişlənməsinə əlverişli imkan yaradır
30 Oktyabr 2014 16:18
Baxış: 717
DİGƏR XƏBƏRLƏR
- Bakıda təhlükə saçan lüks avtomobilin sürücüsü ilə bağlı RƏSMİ AÇIQLAMA - VİDEO
- 18 yaşlı Lamiyə yaşlı qonşu kişiyə qoşulub qaçdı - VİDEO - FOTO
- "Cığır" romanı Türkiyə türkcəsində ikinci dəfə çap edildi
- Ərinə əsəbiləşən qadın küçənin ortasında SOYUNDU - VİDEO
- 12 yaşına qədər uşaqlar ön oturacaqda əyləşə bilərlər? - VİDEO
- Günün qoroskopu: asan gün deyil
XƏBƏR LENTİ
- Ermənistan bizə elə bir məqamda xəyanət edir ki… - Zatulin
- Almaniya Ukraynaya 500 milyonluq hərbi yardım göndərir
- "Whatsapp" statusuna necə keyfiyyətli video yükləmək olar?
- "Qarabağ"dan 8 oyunçu gedir - Nə baş verir?
- Azərbaycan bu reytinqdə Rusiya və Türkiyəni qabaqladı
- Azərbaycanlı professor vəfat etdi - FOTO
- Coşqun Diniyevə 4 elçi - ÖLKƏLƏR
- Bürcünüzə görə hansı pişik cinsi sizə daha uyğundur? – SİYAHI
- “Tülkülər”in əsas namizədi
- Gürcüstanda “Maydan” hadisələri olmayacaq - Baş nazir
- Bakıdan Almaniyaya reys - TƏQDİMAT
- IQ-sü ən yüksək bürclər
- “Gənc arıçı” layihəsinin təlim mərhələsinə start verilib - FOTOlar
- İşsiz valideynlər alimenti necə ödəyə bilərlər?
- "Başdanxarab adamlardır da, hər sözdə nəsə axtarırlar"
- BMT baş katibindən Rəisi ilə bağlı etiraf...
- ABŞ Ermənistan MN-ə məsləhətçilər göndərəcək
- Bakı-Quba yolunda dəhşətli qəza - tələbə ağır xəsarət aldı - FOTO
- İlon Maskla Trampı nə bağlayır? Prezident seçilsə...
- Qocalmanın qarşısını alır, ürəyi sağlam saxlayır: Bəs kimlərə GİLAS ziyandır?
- Çin bu bloqerləri sosial şəbəkələrdə bloklamağa başlayıb
- Şad Xəbər! Sabahdan Azərbaycanda internet ucuzlaşır - Yeni tariflər
- Onlar bu reallıqla barışmaq istəmirlər - Azər Qarayev
- Ermənistanın mina terroru ən böyük bəşəri cinayətlərdəndir - VİDEO