Cəmiyyət

Şamaxıya da qar yağdı

27 Oktyabr 2014 15:31
0 Şərh     Baxış: 4 198
VTB-də minimal faiz dərəcəsi ilə nağd kredit 9.9%-dən
#HAVA
Bir neçə gündür respublika ərazisinə hakim olan soyuq hava, nəhayət, sərt üzünü göstərdi. Ara-sıra dağları ağ örpəyə bürüyən qar artıq yaşayış məntəqələrini öz ağuşuna aldı.

Milli.Az Kanal S-ə istinadən xəbər verir ki, oktyabrın 26-dan 27-nə keçən gecə Qəbələyə ilk qar yağdı. Bəzi kəndlər və eləcə də yüksəkliklərə düşən qar artıq bu yerlərə qışın vaxtından tez gəldiyini göstərdi. Məlumata görə, dağlarda qarın hündürlüyü 2-3 sm təşkil edir. Qışın vaxtından əvvəl gəlməsinə sakinlər hazır olmasa da, bu təbiət hadisəsi rayona gələn turistlərdə xoş ovqat yaradıb.

Qara şahid olan təkcə qəbələlilər deyil. Şamaxıya da qar yağıb. Dünən axşam saatlarından başlayan sulu qar, qara çevrilib. Rayonun dağlıq ərazilərinə və Pirbəhli, Dəmirçi və Zarat kimi ucqar kəndlərə düşən qar sakinlər üçün gözlənilməz olub.

Ən çox qar isə Qızmeydan kəndinə yağıb. Sözügedən ərazilərdə payızlıq əkin artıq yekunlaşıb. Mütəxəssislər yeni əkilmiş sahələrə qarın düşməsini yaxşı hal hesab edirlər. Qar səbəbindən yollarda hər hansı bir problem yaşanmayıb. Hazırda Bakı-Şamaxı yolu işlək vəziyyətdədir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.