Cəmiyyət

Tovuzda qədim yaşayış məskəni tapıldı - VİDEO

24 İyul 2014 12:03
0 Şərh     Baxış: 2 693
VTB-də minimal faiz dərəcəsi ilə nağd kredit 9.9%-dən
#CƏMİYYƏT #VİDEO #BÖLGƏ XƏBƏRLƏRİ #KARBON IRAN

Qazıntılar zamanı Neolit dövrünə aid maddi mədəniyyət nümunələri aşkar olunub

Milli.Az Türkel TV-yə (TTV) istinadən xəbər verir ki, Tovuzda  aparılan arxeoloji qazıntıların bir hissəsi artıq yekunlaşıb. Göytəpə və Menteştəpə adlı ərazilərdə aparılan qazıntılar zamanı Neolit dövrünə aid qədim yaşayış məskənləri aşkar edilib. Tədqiqatlar Fransa və Azərbaycan mütəxəssislərinin birgə əməkdaşlığı ilə həyata keçirilir.

Tovuz arxeoloji ekspedisiyasının üzvü Valeh Ələkbərov: "Aparılan karbon 14 analizlərinin nəticəsinə görə, Göytəpə Neolit dövrü abidəsi e.ə. 6-cı minilliyə aiddir. Menteştəpə yaşayış məskəni də e.ə. 5-6-cı minilliklərə aiddir. Menteştəpədə tədqiqatlar qurtarır. Amma Göytəpədə hələ uzun müddət davam edəcək".

Əldə olunan maddi mədəniyyət nümunələri üzərində karbon 14 analizi aparılır. Bu analizlə abidənin hansı dövrə aid olması öyrənilir, yəni, tapılan nümunələrin yaşı dəqiq müəyyən edilir. Ərazidə işləyən digər ekspedisiya üzvləri isə qədim insanların həyat tərzini, yaşayışını, hətta o dövrdə keçirdikləri mərasimləri də araşdırır.

Bertil Lionet, Fransa arxeoloji ekspedisiyasının rəhbəri: "Biz artıq 7 ildir ki, sizin mütəxəssislərlə birgə layihə çərçivəsində arxeoloji qazıntılar aparırıq. İşin bir hissəsi artıq yekunlaşıb. Gördüyünüz bu iş prosesi isə  arxeologiyanın əsas prinsiplərindən hesab olunur. Bu mütəxəssislər keramikanın bərpası işiylə məşğuldurlar. Düşünürəm ki, bizim əməkdaşlığımız hələ uzun müddət davam edəcək".

Fransa mütəxəssisləri ilə birgə layihə çərçivəsində həyata keçirilən tədqiqatlar 2008-ci ildən başlayıb. Gələcəkdə bu ərazidə qazıntı işlərinin miqyasının genişləndirilməsi və prosesə digər ölkələrin də mütəxəssislərinin cəlb edilməsi nəzərdə tutulur.

Milli.Az

Videonu izləmək üçün şəklə klikləyin.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.