Cəmiyyət

Xəstənin sağalması üçün hansı duaları oxumaq gərəkdir?

6 Fevral 2014 20:25
2 Şərh     Baxış: 250 224
VTB-də minimal faiz dərəcəsi ilə nağd kredit 9.9%-dən
#DİN
Milli.Az İslam.az-a istinadən bildirir ki, bu barədə müxtəlif dualar vardır. Dua kitablarında hər bir xəstəliklə bağlı dualar, müalicə üsulları qeyd edilib.

Amma bəzi dualar da var ki, bütün xəstəliklər, bəlalar, maddi və mənəvi sıxıntılar üçün yararlıdır. Bunların sırasında ilk növbədə ayətül-kürsi gəlir (Bəqərə surəsi, 255-257-ci ayələr). Fatihə surəsini xəstə üçün ardıcıl olaraq oxumaq da faydalıdır. İmam Cəfər Sadiq (ə) buyururdu ki, əgər Fatihə surəsini ölü adam üçün 70 dəfə oxuyandan sonra ölünün ruhu bədənə qayıtsa və dirilsə, təəccüblü olmaz. Mübaliğə ilə buyurulmuş bu hədis Fatihə surəsinin hər bir xəstəliyi sağalda biləcəyinə inamı ifadə edir.

"Məfatihül-cinan" kitabında yazılıb ki, hər kim sübh namazından sonra aşağıdakı duanı 40 dəfə oxuyub əlini ağrıyan yerinə sürtsə, Allah ona şəfa verər: "Bismillahir-Rəhmanir-Rəhim. Əlhəmdu lillahi rəbbil-aləmin. Həsbünallahü və niməl-vəkil. Təbarəkəllahü əhsənül-xaliqin. Və la hovlə və la qüvvətə illa billahil-əliyyil-əzim". Tərc.: "Rəhman və rəhim olan Allahın adı ilə. Aləmlərin rəbbi olan Allaha həmd olsun. Allah bizə bəsdir və O ən yaxşı vəkildir. Yaradanların ən yaxşısı olan Allah mübarəkdir. Uca və əzəmətli Allahdan savayı heç kimdə qüvvət və qüdrət yoxdur".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.