Cəmiyyət

Azərbaycanda şadlıq evləri ilə bağlı qorxulu açıqlama

30 Yanvar 2014 17:23
0 Şərh     Baxış: 1 144
VTB-də minimal faiz dərəcəsi ilə nağd kredit 9.9%-dən

Sanitar-Epidemioloji qaydaları pozan 37 müəssisənin sahibkarı inzibati qaydada cərimə olunub

Sanitar-Epidemioloji qaydaları pozan müəssisə rəhbərləri cəzalandırılıb.

Anspress-in Səhiyyə Nazirliyinin saytına istinadən verdiyi məlumata görə, təkcə 2013-cü ilin dekabr ayı ərzində yeyinti məhsullarının istehsalı, satışı, saxlanması və daşınması zamanı sanitariya norma və qaydalarının tələblərini pozan, o cümlədən laboratoriya müayinələrinin nəticələrinə görə gigiyenik normalara cavab verməyən məhsulları istehsal edən 37 müəssisənin sahibkarı inzibati qaydada cərimə olunub. 3 obyektin istismarının dayandırılması barədə qərar qəbul edilib və 15 nəfər işdən müvəqqəti kənarlaşdırılıb.

Orqanoleptik və fiziki-kimyəvi göstəricilərinə görə 922, mikrobioloji göstəricilərinə görə 873, toksikoloji göstəricilərinə görə 343, radioloji göstəricilərinə görə 32 yeyinti məhsullari nümunələri laboratoriya müayinələrinə cəlb olunub. Nümunələrin 18-də orqanoleptik və fiziki-kimyəvi, 14-da mikrobioloji göstəricilərinə görə normalardan kənara çıxma müəyyən olunub.

Şadlıq evlərindən 1158 yaxma nümunəsi, 23 soyuq qəlyanaltı nümunəsi götürülüb, 23 yaxma nümunəsində mikrobioloji çirklənmə aşkar edilib.

Dekabr ayı ərzində əhali arasında 64 qida zəhərlənməsi hadisəsi baş verib, 113 nəfər zərərçəkən olub. O cümlədən 9 botulizm hadisəsi baş verib və bu səbəbdən 17 nəfər zərərçəkib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.