Cəmiyyət

ANS-də kütləvi ixtisarlar oldu?

14 Yanvar 2014 14:43
Baxış: 1 180
VTB-də minimal faiz dərəcəsi ilə nağd kredit 9.9%-dən

"ANS televiziyasında heç kim işdən çıxarılmayıb, adları çəkilən şəxslər də hazırda bizdə işləyirlər"

Bunu ANS Şirkətlər Qrupu prezidentinin müşaviri Mais Məmmədov telekanalda kütləvi kadr dəyişikliyinin aparılması haqda mətbuatda yayılan xəbərlərlə bağlı AzVision.az-a açıqlamasında bildirib.

M.Məmmədovun sözlərinə görə, yayılan xəbərlər həqiqəti əks etdirmir.

"Yalan xəbərdir. Neçənci zəngdir ki, bu barədə məndən soruşulur. Bu xəbərləri niyə yayırlar? İşləri-gücləri yoxdur bunların? ANS-in bölgə müxbirləri çoxdur, həm burada, həm də xaricdə. İndi tutaq ki, bir nəfər işdən çıxarılıbsa, bu o deməkdir ki, ANS-də ixtisarlar gedir? Belə xəbərləri yaymaq nəyə lazım?"

Qeyd edək ki, AzNews.az-ın məlumatına görə, ANS TV bölgələrdəki müxbir və operatorlarını işdən azad edib. ANS TV-nin Göyçay muxbiri Günel İsayeva, operator Təbriz Hacıyev, Qazax üzrə muxbiri Vasif Abdıyev və operator Rəşad Əlisgəndərli, Cəlilabad bürosunun muxbiri Rəhman Məlikov və 13 ildən çox bu tv-də çalışan opertaor İlqar Mustafayev, Şirvan şəhəri üzrə müxbiri Nəriman Məmmədov və operator Fərid Əliyev işdən çıxarılıblar. İşdən çıxarılan əməkdaşlara əvvəlcədən heç bir xəbərdarlıq edilməyib. ANS-in bölgə əməkdaşlarına bu barədə məlumat onlar işdən çıxarıldıqları gün verilib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.