Cəmiyyət

25 yaşlı qız Bakıda icra başçısının müavini oldu və açıqlama verdi: "Kimə nə maraqlıdırsa..." - YENİLƏNİB - FOTO

5 Dekabr 2013 18:24
15 Şərh     Baxış: 31 129

Binəqədinin icra başçısı 25 yaşlı qızı yeni müavin təyin etdi


18:24

Binəqədi Rayon İcra Hakimiyyəti başçısının yeni təyin olunan 25 yaşlı müavini Aygün Əliyeva yeni vəzifə təyinatına qısa münasibət bildirib.

İcra başçısının yeni müavini A.Əliyeva Publika.Az-a açıqlamasında deyib:

"Mənim heç bir açıqlama verməyə ixtiyarım yoxdur. Bu gün ərzində isə Binəqədi Rayon İcra Hakimiyyətinin internet səhifəsinə bütün məlumatlar yerləşdiriləcək və "Binəqədi" qəzetində dərc olunacaq. Bu barədə kimə nə maraqlıdırsa, buradan tanış ola bilər. İndi mən bu barədə daha heç bir söz demək istəmirəm".

A.Əliyeva onun hər hansı vəzifəli şəxsin qızı olması barədə dolaşan söhbətlərə isə bu cür cavab verib: "Mən məmur qızı deyiləm".

Xatırladaq ki, Binəqədi Rayon İcra Hakimiyyətinin başçısı Xaləddin İsgəndərov bir neçə gün öncə birinci müavini Qəzənfər Novruzovu tutduğu vəzifədən azad edib.

Binəqədi Rayon İcra Hakimiyyəti başçısının 4 dekabr 2013-cü il tarixli əmri ilə, Yeni Azərbaycan Partiyası Binəqədi rayon Təşkilatının baş təlimatçısı Əliyeva Aygün Nəzif qızı Binəqədi Rayon İcra Hakimiyyəti başçısının müavini təyin olunub.

Əliyeva Aygün Nazif qızı 29 iyul 1988-ci ildə anadan olub. 2010-cu ildə Azərbaycan Dillər Universitetinin Beynəlxalq münasibətlər fakültəsini, 2012-ci ildə müvafiq ixtisas üzrə magistratura pilləsini bitirib. Hazırda Azərbaycan Dövlət İqtisad Universitetinin Beynəlxalq iqtisadi münasibətlər fakültəsi üzrə distant təhsil alır.

2010-cu ildə Yeni Azərbaycan Partiyası Gənclər Birliyinin ideoloji məsələlər üzrə sədr müavini seçilib. 2006-cı ildən Yeni Azərbaycan Partiyasının üzvüdür. Yeni Azərbaycan Partiyası Binəqədi rayon Təşkilatında baş təlimatçı vəzifəsində çalışır. Azərbaycanda çox az rast gəlinən gənc yaşda yüksək vəzifəyə təyinat faktı həm ölkə mediasında, həm də cəmiyyətdə maraq doğurub. Onun böyük ehtimalla hansısa məmurun qohumu olması ilə bağlı versiyalar səsləndirilib.

"Qafqazinfo" bununla bağlı kiçik araşdırma aparıb. Məlum olub ki, 25 yaşlı gənc müavin heç də təsəvvür edildiyi kimi, yüksək vəzifəli məmurun qızı və ya qohumu deyil. O, sadə bir ailənin övladıdır. Rusiyada anadan olub, əslən Quba rayonundandır. Orta məktəbi Bakının Nizami rayonunda bitirib. Ailəlidir və bir qızı var.

Qeyd edək ki, Aygün Əliyeva YAP-ın 4-cü qurultayında prezident İlham Əliyevin qarşısında uğurlu çıxış edib. Binəqədi Rayon İcra Hakimiyyətindən redaksiyamiza bildirlib ki, Aygün Əliyeva birinci müavin yox, başçının humanitar məsələlər üzrə müavini təyin olunub.

---------
11:37

Xəbər verdiyimiz kimi, Binəqədi Rayon İcra Hakimiyyətinin başçısı Xaləddin İsgəndərov bir neçə gün öncə birinci müavini Qəzənfər Novruzovu tutduğu vəzifədən azad edib.

Modern.az saytına məlum olub ki, Xaləddin İsgəndərov özünə yeni müavin təyin edib. Binəqədi Rayon İcra Hakimiyyəti başçısının 4 dekabr 2013-cü il tarixli əmri ilə, Yeni Azərbaycan Partiyası Binəqədi rayon Təşkilatının baş təlimatçısı Əliyeva Aygün Nəzif qızı Binəqədi Rayon İcra Hakimiyyəti başçısının müavini təyin olunub.

Əliyeva Aygün Nazif qızı 29 iyul 1988-ci ildə anadan olub. 2010-cu ildə Azərbaycan Dillər Universitetinin Beynəlxalq münasibətlər fakültəsini, 2012-ci ildə müvafiq ixtisas üzrə magistratura pilləsini bitirib. Hazırda Azərbaycan Dövlət İqtisad Universitetinin Beynəlxalq iqtisadi münasibətlər fakültəsi üzrə distant təhsil alır. 2010-cu ildə Yeni Azərbaycan Partiyası Gənclər Birliyinin ideoloji məsələlər üzrə sədr müavini seçilib. 2006-cı ildən Yeni Azərbaycan Partiyasının üzvüdür. Yeni Azərbaycan Partiyası Binəqədi rayon Təşkilatında baş təlimatçı vəzifəsində çalışır.

Milli.Az

Böyütmək üçün şəkilə klikləyin.



---------
18:24


13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics