Cəmiyyət

Vaqif Mustafayev "Qızıl Orden"lə mükafatlandırıldı

27 Avqust 2013 17:10
Baxış: 2 159
VTB-də minimal faiz dərəcəsi ilə nağd kredit 10.49%-dən
Görkəmli rejissor Vaqif Mustafayev Ümumdünya Jurnalistlər İttifaqı Konfederasiyası, Avropa Televeziya və Radio Akademiyası və Ukraynanın KİV Assosiasiyasının "Qızıl Orden" mükafatına layiq görülüb. Milli.Az xəbər verir ki, kinorejissor Vaqif Mustafayev Çingiz Aytmatov və Oljas Süleymanovdan sonra "Qızıl Orden"lə təltif olunacaq 3-cü şəxsdir. Ümumdünya Jurnalistlər İttifaqı Konfederasiyasının sədri Viktor Petrenko deyib ki, Vaqif Mustafayev telejurnalistika sahəsində xidmətlərinə görə bu ordenə layiq görülən yeganə azərbaycanlıdır. Məhz onun sayəsində Space telekanalı Azərbaycanın və digər ölkələrin ən yaxşı kanalı kimi formalaşıb. Viktor Petrenko Heydər Əliyev haqında Vaqif Mustafayevin çəkdiyi filmi isə müasir telejurnalistikada tapıntı kimi dəyərləndirib.

Qeyd edək ki, bu il Serbiyada Vaqif Mustafayev "Dünya kino incəsənətinə töfhə" mükafatına layiq görülüb. Milli kino tarixində ustad dərslərinə dəvət almış ilk azərbaycanlı rejissor məhz Vaqif Mustafayevdir. Məşhur italyan rejissoru Bernardo Bertoluççi "Yaramaz" filmini dünyanın ən yaxşı 35 filmi sırasına aid edib. Vaqif Mustafayev milli kino incəsənətinin inkişafında xidmətlərinə görə Azərbaycan Respublikasının "Şöhrət" ordeni və Gürcüstanın "Şərəf" ordeni ilə təltif olunub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.