Günün qoroskopu: haray çəkib halay pozan...

Qoç - Triton və Haronun münasibətləri səhər saatlarından etibarən aktiv iş ritmi tələb edir. Eyni vaxtda bir neçə işlə məşğul olmaq məcburiyyətindəsiniz. İş və tapşırıq çoxdur. Çox gəzməli, danışmalı, yazışmalar aparmalı olacaqsınız.

Sizi narahat edən işi başa vurmağa çalışın. Yaxın ətrafınızdakı vurnuxma mühiti tədricən gərginləşdirəcək. Münaqişələri "beşik"də boğmaq gərəkdir. Mübahisələrə qatılmayın: söz güləşdirilməsi uzun çəkə bilər.

Cari işlərə başınız qarışdığı vaxtda "arxa plan"da önəmli işlərə hazırlıq görülür.
Ən yaxşı imkanlara yiyələnmək üçün dürüst davranın.

Buğa - Tefeya və Titanın münastibətləri günün ilk yarısında vurnuxma, gərginlik vəd edəcək. Müxtəlif işlərlə məşğul olmalısınız.

Günün ilk yarısında maliyyə problemləri yaranacaq. Pulla bağlı əməliyyatları müvəqqəti olaraq təxirə salın.
Problemlərin həlli, yanlışlığa yol verilmiş işə müdaxilə, səhvlərin aradan qaldırılması daha effektiv olacaq.

Təfərrüatları dəqiqləşdirmək, müzakirə etmək olar. İşdə, kollektivdəki durum sizi də öz kamına çəkəcək.
Yaxın ətrafınızdakı insanlardan biri sizi narahat edə bilər. Həmin narahatlıq əsassız deyil.

İmkan varsa, axşam saatlarında alış-veriş edin. Görüş planlaşdırmaq olar.

Əkizlər - Hiperion və Mimasın münasibətləri sakit, bir qədər də yorğun və üzücü başlayacaq gün vəd edir.
Günün ikinci yarısında əhvalınız dəyişəcək. Əlavə yük, iş peyda ola bilər.
Səfər, ezamiyyət, gəzinti, alış-veriş, ünsiyyət üçün əlverişli dönəmdir.

İşlərinizdə canlanma yaranacaq. Nəyisə anlatmaq, anlaşmaya nail olmaq asanlaşacaq. Qəfil və gözlənilməz görüşlər, münasibətlərlə işgüzar əlaqələrin bərpası mümkündür. Stereotip düşüncələr, yanlış ehkamlardan imtina edin.

Qəfil və orijinal şərtlərin təsiri altında planlarınızı dəyişmək lüzumuna daha sadə yanaşın.
İş və şəxsi həyatdakı planlar kəsişə bilər.

Xərçəng - Sinope və Elaranın münasibətləri günü gərgin edəcək, rahatlanmağa imkan verməyəcək. Maraqlarınızı qorumağa, tələbatınızı təmin etməyə çalışın. Daha yaxşı perspektivlər gözləntisi üçün yaxşı çalışın.

Qarşınızda yeni üfüqlər açan hadisələr yaşana bilər. Fəqət, həmin üfüqlərdən bəziləri ilğım, növbəti illüziya olacaq.
Qərar qəbul etməyə və nədənsə boyun qaçırmağa tələsməyin.

Şəxsi münasibətlərdə axşam saatlarına yaxın mühüm danışıq ehtiyacı yaranacaq. Sevdiyiniz insanla maraqlarınız və istəkləriniz üst-üstə düşərsə, münasibətlər yeni mərhələyə qədəm qoyacaq.
Ailədə planları müzakirə etmək, vəzifə bölgüsünü yeniləmək üçün əlverişli zamandır.

Şir - Leda və Pasifenin münasibətləri sirr vəd edir. Həmin sirrin çözülməsi üçün gərəkli məlumatın axtarışı, sorğu-sual, yeni əlaqələrin yaradılması gərəkdir.

Bir insan sizi ifrat dərəcədə maraqlandıracaq. Lakin mümkün münasibətlərin perspektivləri və mənası sizin üçün hələ də aydın deyil.

İşdə indiyədək qapalı qalan məqamlar hadisələrin cərəyan məcrasında önəmli rol oynayacaq. Hissiyatınıza etibar edin və sizi maraqlandıran ünsür, nəsnə və ya məsələ ilə yaxından tanış olun.

Səhhətinizə fikir verin. Ağrılar kəskinləşə bilər. Axşam saatlarında istirahətə vaxt ayırın.

Qız - İo və Kallistonun münasibətləri günün ilk yarısında müəyyən gərginlik vəd edir. Belə durum ardıcıl olmayan reaksiyalara səbəb olacaq, köhnə umu-küsünü gücləndirəcək, rəqabət və ya uzun sürən ağırlıqla qarşılaşdığınız işlərdə nigaranlıq yaradacaq.

Bütün cəbhələrdə eyni vaxtda çalışmağa can atmayın. Fasilələr edin, asan, ikinci dərəcəli işlər üçün yetərincə vaxt saxlayın. Neytral maraqlara diqqət ayırmaq, emosiyaların öhdəsindən gəlmək lazımdır.

Nədənsə imtina vaxtı gəlibsə, indi həmin imtinanı gerçəkləşdirmək zamanıdır.
Münasibətlərə dəyər verirsinizsə, təmkinli və səbrli olun.

Axşam saatları istəklərinizi təmin edin. Aktivlik üçün heç bir məhdudiyyət yoxdur.

Tərəzi - Hanimed və Avropanın münasibətləri çoxdan bəri həllini gözləyən işi günün ilk yarısında başa vurmağa imkan verəcək. Artıq yeni işə başlamaq olar. Alınan məlumatları qaydaya salın, hiss və emosiyalara qapılmayın. İş yerində daha rahat mühitin formalaşmasına töhfənizi verin.

Ən yaxın günlərdə yeni planın reallaşması üçün indidən hazırlıq görün.
Günün ikinci yarısı danışıqlar, toplantı, səfər və görüşlər fayda verəcək.

İnformasiya daşıyıcısı, elektronika, məişət texnikası almaq olar.
Görüş, dostlarla ünsiyyət, yazışma üçün yaxşı gün sayıla bilər. Axşam saatlarında xoş duyğular vəd edən tədbirə qatılın.

Əqrəb - Fobos və Amalteyanın münasibətləri sizi narahat edən məkanda yaranmış qaydasızlığı günün ilk yarısında aradan qaldırmağı tələb edir. Əks halda yaranmış tələskənlikdə və qaçaqaçda şansı əldən verə bilərsiniz.
Sizə təzyiq olunan və ya sizin təzyiq etdiyiniz məqamlarda nüfuzunuz sınağa çəkiləcək.

Prioritetlər dəyişə bilər. Yeni iş və ya layihə ilə maraqlansanız belə, cari işlər vaxtınızı alacaq. Gözlənildiyiniz yerlərdə olmağa çalışın.

Həyat çeviklik və reaksiyanızı sınağa çəkəcək. Dostların təklifini yerə salmayın.

Oxatan - Ay və Deymosun münasibətləri sizə çoxlu, müxtəlif iş vəd edir. Bu gün, onsuz da, çox iş görməyi planlaşdırsanız da, saatlar keçdikcə yeni problemlər yaranacaq.

Danışıqlar və müzakirələr aparmaq, yazışmaq, kiminləsə görüşmək ehtiyacı duyulacaq.

Axşam saatlarında bir qədər dincəlməyə, nəfəs almağa çalışın. Hərəkətlər, fiziki iş faydalıdır.
Aranızda qarşılıqlı anlaşmanın olduğu insanla ünsiyyət məsləhətlidir. Ümumi planları nəzərdən keçirin.

Oğlaq - Serera və Neptunun münasibətləri bu gün başlayacağınız işin başa vurulmasını tələb edir. İşdə həmkarlarınıza və tərəfdaşlarınıza təzyiq göstərməyin.

Mühüm söhbət, müzakirə baş tuta bilər. Maraq və məqsədlərin razılaşdırılması baş tutarsa, məqsədə doğru hərəkətdə ciddi irəliləyiş yaşanacaq.

Zəif cəhətlərinzin qarşısında əsir olmayın. Gərəksiz əşya, insan və əlaqələrdən imtina edin. Ətrafınızda həddən ziyadə vurnuxma var.

Yaxın ətrafınızdakı insanların sözləri və davranışlarındakı bəzi xırdalıqlar baş verənləri daha yaxşı anlamağa kömək edəcək.

Axşam saatları məhsuldar olacaq. Yeni ideyalar, işləmək üçün enerji yaranacaq. Dəvət olunan yerə getmək, dostlarla ünsiyyət, gəzinti üçün əlverişli vaxtdır.

Dolça - Haumea və Plutonun münasibətləri əlaqələrlə anlaşmaların əhəmiyyətini ön plana çəkir. Tənha və təkbaşına qalmayın. Əksinə, aktiv və açıq yaşam nümayiş etdirin.

Müxtəlif instansiyalarda problemləri həll edin, danışıqlar aparın, zəng vurun, məktublar yazın.
Güclənən enerji axını məhsuldarlıq və faydalı iş əmsalının artımını vəd etmir. Vacib mövzudan diqqəti yayındırmamaq üçün yaxşı çalışmaq, səy göstərmək lazımdır.

Fikrinizi daha maraqlı, amma faydasız işlərə yönəltməyin.
Romantik münasibətlər üçün əlverişli gündür. Təşəbbüskar olun.

Balıqlar - Erida və Makemakenin münasibətləri bu gün köklü, əhəmiyyətli dəyişikliklər vəd etmir. Əsas məsələ dedi-qodu və qeybətlərə qatılmamaqdır. Belə iştirak heç bir həzz və fayda verməyəcək.

Lakin ilk baxışdan əhəmiyyətsiz və önəmsiz görünən istənilən məsələ mühüm olayla bağlı fikrinizi dəyişə bilər.

Vurnuxma çox olacaq. Gün ciddi problemlər yaratmayacaq. İndi baş verən hadisələrin əksəriyyəti perspektiv baxımdan önəmlidir.

Yaxın bildiyiniz insanların yardıma ehtiyacı var.
Ailə üzvlərindən birinin qarşısında yeni perspektivlər açılır.

Evdə rekonstruksiya, qayda yaratmaq, təmir ilə məşğul olmaq mümkündür.

Milli.Az