Maraqlı

Dünyada bir ilk: Həşəratlara hüquq verildi, artıq məhkəməyə müraciət edə bilərlər

1 May 2026 19:57

Baxış: 374

VTB-də minimal faiz dərəcəsi ilə nağd kredit 9.9%-dən

#HEYVANLAR

Perunun Satipo və Nauta bələdiyyələri iynəsiz arıların (Meliponini) var olmaq, inkişaf etmək və məhkəmələrdə təmsil olunmaq hüququna sahib olduğunu rəsmən tanıyan sənəd yayımlayıblar.

Milli.Az xəbər verir ki, bu qərarla arılar təmiz ətraf mühitdə yaşamaq və meşələrin qırılması kimi təhlükələrə qarşı qanuni təmsilçilik hüququ qazanıblar.

Arı koloniyalarına zərər verən şirkət və ya fərdlərə qarşı "arıların adından" iddia qaldırıla biləcək.

Məhkəmələr artıq yalnız insanlara dəyən zərəri deyil, növün özünə və meşə ekosisteminə dəyən ziyanı da əsas götürəcəklər.

İynəsiz arılar qəhvə, kakao və avokado da daxil olmaqla, tropikal bitkilərin 80%-nin tozlanmasını təmin edir.

Təhlillər sübut edib ki, bu arıların istehsal etdiyi bal yüksək antibakterial və iltihab əleyhinə xüsusiyyətlərə malikdir.

Pestisidlərin (zərərvericilərə qarşı dərmanlar) istifadəsi və meşələrin qırılması səbəbindən arı populyasiyası ciddi risk altındadır.

Yeni qaydalar pestisid istifadəsinə ciddi nəzarəti və məhv edilmiş meşə sahələrinin yenidən bərpasını məcburi edir.

Hüquqşünaslar bu addımı təbiətlə münasibətdə dönüş nöqtəsi hesab edirlər.

Bu modelin ekosistemi qoruyan digər mikro canlılar üçün də nümunə olacağı və digər Amazon ölkələrində bənzər qərarların qəbulunu sürətləndirəcəyi gözlənilir.

Lalə Qüdrətova
Milli.Az