Cəmiyyət

Bakı-Astara istiqamətində qatarların hərəkəti bərpa olunub

6 İyul 2010 10:05
Baxış: 9 485
VTB-də yüksək depozit faizleri daha çox qazandırır
#AZERBAİJAN
Bəlli olduğu kimi, Kür çayında daşqınların baş verməsi səbəbindən Bakı-Astara dəmir yolunda sərnişin və yük qatarlarının hərəkəti bu ilin may ayının 9-dan dayandırılıb. Bu səbəbdən də olduqca hərəkətli yay mövsümündə sərnişinlərin gediş-gəlişində çətinliklər yaranıb.

Dünən gecə saatlarından yola çıxan Bakı-Astara sərnişin qatarı bu gün saat 8.30 radələrində Lənkəran dəmir yol stansiyasına çatıb. Maşinist yolda hər hansı maneənin olmadığını, daşqın nəticəsində dağılmış yolun tam bərpa olunduğunu deyib. "Yollar bərpa olunub, bəzi yerlərdə sürət aşağı olsa da, heç bir problem olmayıb", - deyə maşinist Əlifağa Gözəlov bildirib.

Qeyd edək ki, hazırda Bakıdan Astaraya hər gün Bakı-Astara sərnişin qatarı, eyni zamanda bazar ertəsi istisna olmaqla, Bakı-Astara ekspress qatarı hərəkət edir. Bu nəqliyyat növü həm də qiymətlərin sərfəli olması ilə sərnişinləri qane edir. Belə ki, bölgədə ən ucuz nəqliyyat dəmir yolu hesab olunur. Qiymətlərə gəlincə isə, plaskart vaqona biletlərin qiyməti 2 man 68 qəp, kupeyə 3 man 60 qəp, komfort vaqona isə 5 man 10 qəpikdir. Dünən gecədən başlayaraq, Şirvan stansiyasında 2 ay ərzində yığılıb qalmış 130 tranzit yük qatarı Astaraya yola salınıb. Stansiya rəisi qatarların hərəkətinin əlverişli vaxtda bərpa olunduğunu deyib. Artıq biletlərin kassadan satışına start verilib. Stansiyadan verilən məlumata görə, hər gün təxminən 120 sərnişin dəmiryolu xidmətindən istifadə edir.

/ANS TV/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.