Türkiyə

"Faladdin" həbs olundu - FOTO

16 İyul 2025 13:08

Baxış: 1 882

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ

İstanbul Respublika Prokurorluğu "Faləddin" və "Binnaz" adlı məşhur mobil proqram və internet saytlarının qurucusu Sertaç Taşdelen barəsində həbs qətimkan tədbiri seçib.

Milil.Az xəbər verir ki, Taşdelenə qarşı irəli sürülən ittihamlar cinayət yolu ilə əldə edilmiş gəlirləri xaricə daşımaq və qeyri-qanuni xidmətlər vasitəsilə gəlir əldə etməkdir.

Maliyyə Cinayətlərini Araşdırma Şurası (MASAK) tərəfindən hazırlanan hesabatda göstərilir ki, Taşdelenin idarə etdiyi platformalar vasitəsilə falçılıq, astrologiya, spiritizm, ulduz xəritələri kimi müxtəlif ödənişli xidmətlər təklif olunub. Ekspertiza və Ticarət Nazirliyinin Reklam Şurasının rəyinə əsasən, bu fəaliyyətlər nəticəsində cinayət tərkibli gəlirlər əldə olunub və həmin vəsaitlər xaricə köçürülüb.

Araşdırmalar çərçivəsində Sertaç Taşdelenin bank hesabları, elektron pul təşkilatlarındakı vəsaitləri, nəqliyyat vasitələri, gəmiləri və Arteria Yazılım A.Ş.-dəki payları da daxil olmaqla bütün varlıqları İstanbul Sülh Cəza Məhkəməsi tərəfindən müsadirə edilib.

Fidan
Milli.Az