Cəmiyyət

Bakı metrosunda qatarlar niyə gecikir? - FOTO

4 Dekabr 2012 02:00

0 Şərh Baxış: 779

VTB-də minimal faiz dərəcəsi ilə nağd kredit 10.49%-dən

#AZERBAİJAN

Milli.Az-ın məlumatına görə, sərnişinlərin sıxlığı nəzərə alınaraq metroda qatarlar arasında interval minimuma qədər endirilib. Hazırda qatarlar arası interval 2 dəqiqə olsa da, gecikmələr tez-tez olur. Hətta gecikmələrin müddəti 10 dəqiqəyədək davam edir. Görəsən, metroda intervala niyə əməl olunmur?

Bakı Metropoliteninin Hərəkət Xidmətinin baş mühəndisi Etibar İsayev Milli.Az-a açıqlamasında bildirdi ki, metroda qatarlar arası interval nadir hallarda artır. Baş mühəndisin sözlərinə görə, hazırda pik vaxtlarda qatarlararası interval 2 dəqiqə, günün sonunda, sərnişinlərin azaldığı müddətdə isə 10-12-dəqiqə olur.

E.İsayev intervalın pik saatlarda uzun olmasını istisna hal kimi qiymətləndirdi: "Qatarlar arasında vaxt ancaq müəyyən vaxtlarda uzun ola bilər. Hər hansı hadisə, texniki problem yaranan zaman qatarlarda gecikmələr ola bilər. Məsələn, dünən "Azadlıq prospekti" istiqamətində qatarlardan birində problem olduğundan sərnişinlər 9 dəqiqəyədək gözləməli olublar. Ancaq bu nadir hallarda baş verir".

Anar Məmmədov

Milli.Az

Böyütmək üçün şəklə klikləyin.