Cəmiyyət

Avtobusların toqquşması nəticəsində ölən və yaralananların tam siyahısı - YENİLƏNİB2 - FOTO

1 Fevral 2010 12:40

Baxış: 595

VTB-də minimal faiz dərəcəsi ilə nağd kredit 9.9%-dən

#DAEWOO INTERNATİONAL CORP

12:40

Ölənlər:

Rasim Seyfullayev (56 yaş, "Daewoo"nun sürücüsü)
Ağabala Əhmədov (43 yaş, "Otoyol"un sürücüsü)
Minəxanım Quliyeva (60 yaş)
Murad Məlikov (27 yaş)
Şəxsiyyəti hələlik məlum olmayan 40-45 yaşlı kişi

Yaralananlar:

Natiq Şirinov (33 yaş)
Tərzan Aydınov (36 yaş)
Qardaşı Tərlan Aydınov (35 yaş)

Qəza ötmə əməliyyatının düzgün aparılmaması nəticəsində baş verib. Belə ki, 106 saylı marşrut ötmə əməliyyatı keçirərkən 165 saylı marşrutla hərəkət edən "Otoyol"un qarşısına çıxıb və qəza baş verib.

Faktla bağlı Cinayət Məclləsinin 263.3-cü (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və ya daha artıq şəxsin ölümünə səbəb olma) maddəsi ilə cinayət işi başlanıb.

10:46

Binəqədi rayon Polis İdarəsindən Milli.Az-a verilən məlumata görə, qəzada 5 nəfər ölüb, 3 nəfər yaralanıb. Ölənlərin cəsədləri Binəqədi rayon morquna, yaralılar isə 1 saylı xəstəxanaya göndərilib.

09:30

Bakı şəhər Təcili və Təxirəsalınmaaz Tibbi Yardım Satansiyasından Milli.Az xəbər portalına verilən məlumata görə, bu gün saat 06.30 radələrində Binəqədi şossesində 106 saylı xətt avtobusu olan "Daewoo" və 165 saylı marşrutla hərəkət edən "Otoyol" markalı avtobuslar toqquşub.

Qəza nəticəsində ilkin məlumata görə, 2 nəfər ölüb, 3 nəfər xəsarətlə xəstəxanaya çatdırılıb.

Stansiyadan verilən məlumata görə, qəza nəticəsində yaralananların sayı daha çoxdur.

Anar Məmmədov
Milli.Az

----------------------------------------------------------------------------