Cəmiyyət

Ölkənin bir çox rayonlarında yağış və şimşək müşahidə olunub

26 İyun 2026 11:23

Baxış: 1 290

VTB-də minimal faiz dərəcəsi ilə nağd kredit 9.9%-dən

Ölkə ərazisinin bəzi bölgələrində arabir şimşək çaxır, yağış yağır, Balakən-Şəki zonasında isə leysan xarakterli yağıntılar müşahidə olunur.

Bu barədə Milli Hidrometeorologiya Xidmətinin iyunun 26-sı saat 10:00-a olan məlumatında qeyd olunub.

Məlumata əsasən, yağıntının miqdarı Şəkidə (Kişçay) 37 mm, Zaqatalada 20 mm, Oğuzda 19 mm, Qaxda 15 mm, Balakəndə 12 mm, Göyçay və Qəbələdə 10 mm, Mingəçevirdə 9 mm, Şamaxıda 8 mm, Ağdamda 7 mm, Şahdağda 6 mm, Qusarda 5 mm, Qubada 4 mm, Zərdabda 3 mm, Qobustanda 2 mm, Naxçıvan, Ordubad, Gədəbəy, Xızı, Şabran, Bərdə, Tərtər, Yevlax, İmişli, Şuşa, Füzuli, Kəlbəcər və Zəngilanda isə 1 mm-dək qeydə alınıb.

Havanın maksimal temperaturu Bakıda və Abşeron yarımadasında 31, Naxçıvan MR-da 32, Aran rayonlarında 35, dağlıq rayonlarda isə 23 dərəcəyədək isti olub.

Müəllif: Malik Məlikov (Milli.Az redaktor)