Cəmiyyət

Avtomobil satmaq istəyənlərin nəzərinə: Köhnə sahibinin borcu yeni sahibindən çıxır?

19 İyun 2026 17:44

Baxış: 421

VTB-də minimal faiz dərəcəsi ilə nağd kredit 9.9%-dən

Gədəbəy rayon sakini Süleyman Alıyev uzun illər əvvəl aldığı avtomobili satışa çıxarmaq istəsə də, gözlənilməz problemlə üzləşdiyini bildirir.

Milli.Az xəbər verir ki, vətəndaşın sözlərinə görə, minik avtomobilini 6 il əvvəl qanuni qaydada əldə edib və dövlət qeydiyyat nişanı saxlanılmaqla nəqliyyat vasitəsi onun adına rəsmiləşdirilib. Lakin bu il avtomobili satmaq məqsədilə notariat orqanına müraciət etdikdə, nəqliyyat vasitəsinə tətbiq edilmiş məhdudiyyət səbəbindən alqı-satqının mümkün olmadığı bildirilib.

Məlumata əsasən, sözügedən məhdudiyyət 2022-ci ildə Samux Rayon İcra və Probasiya Şöbəsi tərəfindən tətbiq olunub. Səbəb kimi isə avtomobilin əvvəlki sahibinin banka olan borc öhdəlikləri göstərilir.

Süleyman Alıyev məsələ ilə bağlı müxtəlif dövlət qurumlarına müraciət etdiyini desə də, indiyədək problemin həlli istiqamətində konkret nəticə əldə edilmədiyini qeyd edir.

Mövzu ilə bağlı Ədliyyə Nazirliyindən verilən açıqlamada bildirilib ki, fakt araşdırılır və araşdırmanın yekunundan sonra vətəndaşın müraciəti üzrə qanunvericiliyə uyğun addımlar atılacaq.

Müəllif: Aysel Əkbər (Milli.Az müxbir)