İdman

Məşhur ispan hücumçunu mühafizəçilər təlim-məşq bazasına buraxmadılar

19 İyun 2026 14:19

Baxış: 1 229

VTB-də minimal faiz dərəcəsi ilə nağd kredit 9.9%-dən

#SPAİN #FUTBOL #ABŞ #FİFA

İspaniya millisinin hücumçusu Borxa İqlesias maraqlı hadisə ilə gündəmə gəlib.

Milli.Az xarici mətbuata istinadən xəbər verir ki, futbolçu axşam gəzintisindən sonra milli komandanın təlim-məşq bazasına qayıdarkən gözlənilməz vəziyyətlə üzləşib. Təhlükəsizlik əməkdaşları onu tanımadıqları üçün bazaya girişinə icazə verməyiblər.

Borxa mühafizəçilərə İspaniya millisinin üzvü olduğunu bildirsə də, bu, problemi dərhal həll etməyib. Futbolçu özünü təqdim edərək komandaya məxsus bazaya daxil olmalı olduğunu izah etməyə çalışıb.

Yaranmış vəziyyətdən çıxış yolu tapmaq üçün hücumçu milli komandanın inzibatçısı ilə əlaqə saxlayıb. Yalnız bundan sonra məsələ həll olunub və futbolçu bazaya daxil ola bilib.

Qeyri-adi hadisə sosial şəbəkələrdə maraqla qarşılanıb və futbolsevərlər arasında müzakirələrə səbəb olub.

Müəllif: Tural Hüseyn (Milli.Az redaktor)