Cəmiyyət

"Ailələrin dağılma səbəbi kişilərdir"

12 İyun 2026 15:15
Baxış: 1 643
VTB-də minimal faiz dərəcəsi ilə nağd kredit 9.9%-dən
#MARAQLI #CƏMİYYƏT #AİLƏ #QADIN #KİŞİ #PSİXOLOGİYA

Psixoterapevt Əli Nağıyev səsləndirdiyi açıqlamalarla diqqət mərkəzinə düşüb.

Milli.Az xəbər verir ki, mütəxəssis ailələrin dağılma səbəblərindən danışarkən əsas məsuliyyətin əksər hallarda kişilərin üzərinə düşdüyünü bildirib. Onun sözlərinə görə, boşanma təşəbbüsü kişidən gəldikdə adətən hər iki tərəfin məsuliyyəti olur, qadın ayrılmaq qərarı verirsə, bunun arxasında daha geniş sosial və ailəvi problemlər dayanır.

Əli Nağıyev qeyd edib ki, qadın özünü rahat hiss etdiyi, sevgi və qayğı gördüyü mühitdən uzaqlaşmağa meyilli olmur. O, münasibətlərdə qarşılıqlı diqqət və mənəvi dəstəyin vacibliyini vurğulayıb.

Psixoterapevt həmçinin bildirib ki, qadın və kişi arasında əsas fərqin fizioloji xüsusiyyətlərlə bağlı olduğunu, digər sahələrdə isə tərəflərin bərabər hüquq və imkanlara malik olduğunu düşünür:

"Kişi boşanmaq istəyirsə, hər iki tərəfdə günah var. Qadın boşanmaq istəyirsə, problem cəmiyyətdədir. Heç bir qadın doğmalıq hissi verən, rahatlıq gətirən, nəvazişini ortaya qoya bildiyi yerdən qaçmaz. Bu, bütün dünyada belədir. Dünyada qadın fahişəliyinin yayılma səbəbi kişilərin nəfsidir. Nadir hallarda olur ki, o qadın ailə üçün yararsız olsun. Qadın kişidə sevgi, nəvaziş tapmırsa, ömrünü məhv etməli deyil ki. Həmçinin bu, kişiyə də aiddir. Kişi ilə qadın arasında yeganə fərq fiziolojidir, qalan hər şey bərabərdir".

Onun səsləndirdiyi fikirlər sosial şəbəkələrdə geniş müzakirələrə səbəb olub. İzləyicilər açıqlamalarla bağlı fərqli mövqelər nümayiş etdirərək mövzu ətrafında çoxsaylı rəylər yazıblar.

Hüseyn

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.