Cəmiyyət

Məktəblərdə zorakılıq artır: Uşağınızda bu davranışlar varsa, diqqətli olun - XƏBƏRDARLIQ

16 Aprel 2026 16:51

Baxış: 1 306

VTB-də minimal faiz dərəcəsi ilə nağd kredit 9.9%-dən

#CƏMİYYƏT #ZORAKILIQ #UŞAQ

Məktəblərdə şiddət və zorakılıq halları müxtəlif formalarda özünü göstərməkdə davam edir.

Milli.Az-ın məlumatına görə, mütəxəssislər bildirir ki, uşaqlarda müşahidə olunan bəzi davranış dəyişiklikləri bu halların erkən xəbərdarlıq siqnalları kimi qiymətləndirilə bilər.

Qeyd olunur ki, şiddət məzmunlu paylaşımlar, qəfil emosional dəyişikliklər, aqressiv davranışlar və sosial mühitdən uzaqlaşma kimi əlamətlər diqqətdən kənarda qalmamalıdır. Bu cür hallar uşağın psixoloji vəziyyətində dəyişikliklərin göstəricisi ola bilər.

Bildirildiyinə görə, məktəblərdə şiddət yalnız fiziki zorakılıqla məhdudlaşmır. Uşaqların şiddət mövzulu yazı və rəsmlərə meyl etməsi, sosial şəbəkələrdə bu tip məzmun paylaşması, eləcə də təhlükəli alətlərə həddindən artıq maraq göstərməsi də riskli davranışlar sırasına daxildir.

Eyni zamanda, rəqəmsal mühitdə şiddət məzmunlu oyunlara və kontentə asan çıxışın uşaqlara mənfi təsir göstərdiyi vurğulanır. Bu səbəbdən valideyn nəzarətinin gücləndirilməsi və müəllim müşahidələrinin nəzərə alınması vacib hesab olunur.

Mütəxəssislər hesab edir ki, uşaqlarda baş verən davranış dəyişiklikləri vaxtında aşkarlanarsa, mümkün risklərin qarşısını almaq daha asan olar. Bu baxımdan həm ailələrin, həm də təhsil mühitinin diqqətli olması və profilaktik tədbirlərin görülməsi xüsusi əhəmiyyət daşıyır.

Mina Mikayılova
Milli.Az