Bakıya düşən yağıntı aylıq normadan 6 dəfə çox OLUB - FAKTİKİ HAVA

Martın 29-u saat 12:00-a olan məlumata əsasən 27-dən 29-u səhərədək ölkə ərazisində intensiv yağıntılı hava şəraiti davam edib, dağlıq ərazilərə qar yağıb.

Milli Hidrometeorologiya Xidmətindən Milli.Az-a verilən xəbərə görə, səhər saatlarından yağıntılar tədricən zəifləyib.

Qar örtüyünün hündürlüyü Şahdağda 53, Qrızda 8, Kəlbəcərdə 5, Laçın, Xınalıqda 3 sm-dir.

Düşən yağıntının miqdarı Bakıda və Abşeron yarımadasında 143 mm qeydə alınıb ki, bu da aylıq normanın 606 %-dir (təxminən 6 dəfə çox).

Xızıda 92 (aylıq normanın 204%-i), Qobustanda 88 (aylıq normanın 205%-i), Şamaxıda 83 (aylıq normanın 113%-i), Qusarda 82 (aylıq normanın 218%-i), Qrızda 81 (aylıq normanın 146%-i), Kürdəmirdə 73 (aylıq normanın 213%-i), Xaltanda 72 (aylıq normanın 191%-i), Xaçmazda 66 (aylıq normanın 272%-i), Şahdağda 65 (aylıq normanın 93%-i), Qubada 58 (aylıq normanın 154%-i), Şəkidə 52 (aylıq normanın 82%-i), Şabranda 52 (aylıq normanın 225%-i), Qəbələdə 44 (aylıq normanın 49%-i), Oğuzda 44 (aylıq normanın 53%-i), Daşkəsəndə 41 (aylıq normanın 79%-i), Xınalıqda 39 mm (aylıq normanın 104%-i), Ağdamda 33 (aylıq normanın 93%-i), Tərtərdə 32 (aylıq normanın 120%-i), İsmayıllıda 32, Neftçalada 31 (aylıq normanın 107%-i), Bərdədə 31 (aylıq normanın 116%-i), Sabirabadda 30 (aylıq normanın 100%-i), Göyçayda 28 (aylıq normanın 64%-i), Gədəbəydə 28 (aylıq normanın 67%-i), Qax (Sarıbaş), Lerikdə 26, Naftalanda 24 (aylıq normanın 125%-i), İmişlidə 24 (aylıq normanın 80%-i), Ağsuda 23, Zərdabda 23 (aylıq normanın 80%-i), Biləsuvarda 22 (aylıq normanın 59%-i), Şirvanda 22 (aylıq normanın 73%-i), Şahbuzda 22 (aylıq normanın 51%-i), Yevlaxda 22 (aylıq normanın 91%-i), Mingəçevirdə 21 (aylıq normanın 72%-i), Astarada 20, Lənkəranda 19, Ordubadda 18 (aylıq normanın 59%-i), Beyləqanda 17 (aylıq normanın 60%-i), Goranboyda 16 (aylıq normanın 83%-i), Şəmkirdə 15 (aylıq normanın 54%-i), Göygöl, Yardımlıda 13, Zaqatalada 13, Cəlilabad, Balakəndə 12, Sədərəkdə 11, Şərur, Naxçıvanda 10, Tovuzda 8, Gəncə, Culfada 7, Ağstafada 3, Xankəndi, Xocalı, Zəngilan, Füzulidə 2 mm-dir.
Qərb küləyi əsib, küləyin maksimal sürəti Daşkəsəndə 21, Şahdağda 20, Şabranda 18, Zəngilanda 15 m/s-yə çatıb.

Milli.Az