Cəmiyyət

Güzəştli ipoteka da bir neçə saniyəyə bitdi

6 Mart 2026 11:45
Baxış: 1 556
VTB-də minimal faiz dərəcəsi ilə nağd kredit 9.9%-dən

Güzəştli ipoteka kreditləri üzrə növbəti seçim mərhələsi keçirilib.

Milli.Az xəbər verir ki, seçim prosesi bu gün saat 11:00-da başlayıb.

Redaksiyamıza müraciət edən vətəndaşlar seçim prosesindən narazı qaldıqlarını bildirirlər. Onların sözlərinə görə, limitlər 30 saniyə keçməmiş bitib. Vətəndaşlar bildirirlər ki, limitlərin bu qədər qısa müddətdə tükənməsi qeyri-mümkündür.

Qeyd edək ki, oxşar hal dünən də yaşanıb. Belə ki, vətəndaşlar bildiriblər ki, adi ipoteka kreditləri üzrə limitlər təxminən 1 dəqiqə ərzində bitib və bu zaman sistemdə də problemlər yaranıb.

Nəzərə çatdıraq ki, Azərbaycan Respublikasının İpoteka və Kredit Zəmanət Fondu tərəfindən 2026-cı il ərzində ipoteka kreditləşməsinin davam etdirilməsi məqsədilə müvəkkil banklara ipoteka kreditlərinin, o cümlədən güzəştli ipoteka kreditlərinin verilməsi üçün limitlər ayrılır.

Adi ipoteka kreditləri üzrə vətəndaşlardan müraciətlərin qəbulu 05.03.2026-cı il tarixində, güzəştli ipoteka kreditləri üzrə isə 06.03.2026-cı il tarixində həyata keçirilib.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.